Búgin, 6 qyrkúıek kúni Eýropanyń kóptegen elderinde 2014 jyly Brazılııada ótetin álem chempıonatynyń irikteý oıyndary oınaldy. Qazaqstan quramasy óz alańynda Farer araldary komandasyn qabyldady.
Birshama tartysty ótken bul kezdesýdiń qorytyndysynda bizdiń fýtbolshylar jeńiske jetti. Esep – 2:1.
Qazaqstan: Andreı Sıdelnıkov, Iýrıı Logvınenko, Aleksandr Kıslısyn (Sergeı Ostapenko, 84), Qaırat Nurdáýletov, Vıktor Dmıtrıenko, Nurbol Jumasqalıev (Marat Haırýllın, 90), Dmıtrıı Shomko, Anatolıı Bogdanov, Sergeı Hıjnıchenko, Alekseı Shetkın, Valerıı Korobkın (Andreı Fınonchenko, 46).
Farer: Gýnnar Nılsen, Ionas-Tor Nes, Vılormıýr Davıdsen, Rogvı Bıldvansson, Iohan Dvaıdsen, Sýnı Olsen, Froýdı Benıamınsen, Hallıýr Hansson (Pall Kletsker, 80), Krıstıan Holst, Iohan Edmýndson (Heını Vatnsdal, 80), Krıstan Moýrıtsen.
Eskertýler: Ionas-Tor Nes (49),Hallıýr Hansson (51).
Jasyratyny joq, bizdegi ólshemmen alǵanda, kishigirim bir aýdannyń mólsherindeı halqy bar (48 500) máńgi tońnyń ústinde otyrǵan eldiń jasaǵy alań ıelerine onshalyqty boı bere qoımady. Mine, sol, máseleńkı, Qyzylorda oblysyndaǵy Jalaǵash ne Syrdarııa sekildi eń shaǵyn aýdandardyń birindegideı ǵana jurt jaılaǵan aral-memlekettiń áýesqoı fýtbolshylary bizdiń kásipqoı muńsyzdardyń ápter-tápterin shyǵardy. Eger kezdesýdiń 50-mınýtynda Nurbol Jumasqalıev San-Marınodan kelgen arbıtr Djonnı Kazanova belgilegen penaltıden qarymta gol soǵyp, esepti teńestirmegende, hálimiz tipti múshkil bolǵandaı eken. Al esepti qonaqtar 23-mınýtta ashty (Froýdı Benıamınsen). Oıynnyń sońǵy núktesin Andreı Fınonchenko 64-mınýtta qoıyp, jeńisti tartyp áperdi.
Qazirge deıin taǵy myna komandalar arasyndaǵy oıyn nátıjeleri belgili bolyp otyr:
Reseı – Lıýksembýrg 4:1
Chehııa – Armenııa 1:2
Munda syrt alańda oınap-aq Chehııa syndy fýtboly myqty damyǵan eldiń terme jamaǵatyn utyp shyqqan armıandarǵa eriksiz tánti turasyń.
Damır Qojamqul.
