Ashǵabad saparynyń aıasynda Qazaqstan Respýblıkasy Parlamenti Senatynyń Tóraǵasy Qaırat Mámı Iran Islam Respýblıkasy Parlamentiniń Tóraǵasy Alı Larıdjanımen kezdesti. A.Larıdjanı da Túrkimenstanda saparda júrgen bolatyn.
Ashǵabad saparynyń aıasynda Qazaqstan Respýblıkasy Parlamenti Senatynyń Tóraǵasy Qaırat Mámı Iran Islam Respýblıkasy Parlamentiniń Tóraǵasy Alı Larıdjanımen kezdesti. A.Larıdjanı da Túrkimenstanda saparda júrgen bolatyn.
Iran Parlamentiniń basshysy Qazaqstan Prezıdenti Nursultan Nazarbaevtyń bıylǵy tamyz aıyndaǵy Tehranǵa saparyna jáne onyń Iran Islam Respýblıkasynyń Prezıdenti Hasan Roýhanıdiń ınaýgýrasııasyna qatysýyna joǵary mán berdi. Iran Qazaqstanmen ózara tıimdi áriptestik turǵysynda yntymaqtastyqty jalǵastyrýǵa nıetti. Qazirgi kezde taraptar «Soltústik – Ońtústik» temir jol dálizin (Qazaqstan – Túrkimenstan – Iran) jedel iske qosýǵa erekshe nazar aýdaryp otyr.
Kezdesýde, sondaı-aq, basqa da jahandyq jáne aımaqtyq qaýipsizdiktiń ózekti máseleleri, atap aıtqanda, Sırııa men Aýǵanstandaǵy jaǵdaılar talqylandy. Júzdesýshiler, sonymen qatar, Irannyń ıadrolyq baǵdarlamasy jónindegi kópjaqty kelissózderdiń keleshegi týraly pikir almasty.
Anar Tóleýhanqyzy,
«Egemen Qazaqstan» – Ashǵabadtan.
