Beket Mahmutov 1996 jyldan 2006 jyl aralyǵynda Halyqaralyq boks assosıasııasynyń (AIBA) alǵashqy vıse-prezıdenti boldy. Sondaı-aq atalǵan uıymnyń qarjylyq komıssııasynyń tóraǵasy, AIBA-nyń Azııa kontınenttik bıýrosynyń prezıdenti qyzmetin atqardy. Sol kezde birqatar qazaqstandyq azamattar AIBA-ń ártúrli komıssııalaryna tóreshilik etti, tehnıkalyq, bıznes-komıssııada, jastar jáne basqa salada jumystar atqardy.
Beket Saparbekuly basqarýshylyq kezeńinde Qazaqstan boks quramasy úsh ret – Atlanta-1996, Sıdneı-2000 jáne Afına-2004 olımpıadasynda úzdik úshtikke ilindi.
Ol 2009-2012 jyldary Qazaqstan dzıýdo federasııasynyń prezıdenti boldy. Sondaı-aq Azııa dzıýdo odaǵynyń vıse-prezıdenti qyzmetin atqardy. Qaı jerde qyzmet atqarsa da, ol qazaq sportynyń tórtkúl dúnıege tanylýyna orasan zor eńbek sińirdi.
Qazaqstanda eresekter arasyndaǵy alǵashqy álem chempıony – Maksım Rakov, al 2010 jyly qazaqstandyq dzıýdoshy Eldos Smetov jastar arasynda birinshi ret álem chempıony atandy. Atalǵan jastardyń jetistiginiń nátıjesinde álem birinshiliginde bizdiń komandamyz jalpy komandalyq esepte ekinshi oryndy ıelendi.
Beket Saparbekuly 1999 jyly «Qurmet» ordenimen marapattalsa, 2000 jyly «Qazaqstannyń eńbegi sińgen qaıratkeri» ataǵyn aldy.
