Jaqynda Qazaqstannyń Germanııadaǵy elshiligi men Germanııa Býndestagynyń Ekonomıka jáne tehnologııalar komıteti birlesip ótkizgen «Qazaqstan Astanadaǵy halyqaralyq EKSPO-2017 kórmesi aıasynda ózin ekonomıkalyq jáne týrıstik ortalyq retinde kórsetedi» atty ekonomıkalyq forýmy qazaq-nemis qarym-qatynastarynyń tarıhyndaǵy jarqyn da este qalarlyq oqıǵalardyń biri boldy.
Jaqynda Qazaqstannyń Germanııadaǵy elshiligi men Germanııa Býndestagynyń Ekonomıka jáne tehnologııalar komıteti birlesip ótkizgen «Qazaqstan Astanadaǵy halyqaralyq EKSPO-2017 kórmesi aıasynda ózin ekonomıkalyq jáne týrıstik ortalyq retinde kórsetedi» atty ekonomıkalyq forýmy qazaq-nemis qarym-qatynastarynyń tarıhyndaǵy jarqyn da este qalarlyq oqıǵalardyń biri boldy.
Atalǵan shara Qazaqstan Prezıdenti Nursultan Nazarbaev pen Germanııa Kansleri Angela Merkel dástúrli túrde serpin berip otyrǵan eki memleket arasyndaǵy qarym-qatynastardyń odan ári artyp kele jatqanyn aıǵaqtady. N.Nazarbaev pen A.Merkeldiń ótken jyldyń aqpanynda Berlındegi kezdesýi barysynda qol jetkizilgen ýaǵdalastyqtar ekijaqty naqty jobalardyń iske asyrylýy arqyly ózderiniń laıyqty jalǵasyn tapqanyn aıta ketý qajet. Osylaısha, qazirgi kezde shıkizat, óndiris jáne tehnologııalar salalaryndaǵy seriktestik pármendi túrde damyp, GFR-dyń kásibı-tehnıkalyq dýaldy bilim berý júıesin Qazaqstanǵa engizý barysynda belsendi jumystar júrgizile bastady. Germanııa Eýroodaq elderiniń ishinde alǵashqylardyń biri bolyp halyqaralyq EKSPO-2017 kórmesin ótkizý jónindegi Astananyń kandıdatýrasyn qoldady jáne osyndaı kórmeni 2010 jyly Gannoverde ótkizýdegi óziniń mol tájirıbesin paıdalana otyryp, elimizge kórmeni uıymdastyrý jáne ótkizý barysynda jan-jaqty qoldaý kórsetýge daıyn ekenin bildirdi.
Nemis sarapshylarynyń pikirinshe, Germanııanyń eń joǵarǵy zań shyǵarýshy organynda bizdiń elge arnap ótkizilip otyrǵan osy shara eki memleket arasyndaǵy qatynastardyń joǵary deńgeıin rastaı otyryp, sonymen qatar, Eýroodaqtyń kóshbasshysy jáne ekonomıka jaǵynan álemdegi úshinshi oryndaǵy eldiń Qazaqstannyń Ortalyq Azııa óńirindegi róli men mańyzyn moıyndaıtynyn kórsetip berdi.
Osy forýmǵa eki elden qatysqan delegasııalar ókilettiliginiń joǵary deńgeıin atap ótý qajet. Qazaqstandyq delegasııanyń quramynda Parlament Májilisiniń Ekonomıkalyq reformalar jáne óńirlik damý komıtetiniń múshesi Ashat Bekenov, Syrtqy ister mınıstriniń birinshi orynbasary, Halyqaralyq EKSPO-2017 kórmesiniń komıssary Rápil Joshybaev, Indýstrııa jáne jańa tehnologııalar vıse-mınıstri Albert Raý, «Astana EKSPO-2017» UK basqarmasynyń tóraǵasy Talǵat Ermegııaev, IJTM-niń Týrızm óndirisi komıteti tóraǵasynyń orynbasary Danııar Bektibaev jáne basqalar boldy.
Germanııa Federatıvtik Respýblıkasy tarapynan negizgi baıandamany SIM Memlekettik mınıstri Kornelııa Pıper, Býndestagtyń Ekonomıka jáne tehnologııalar komıtetiniń tóraǵasy Ernst Hınsken, Ekonomıka jáne tehnologııalar mınıstrliginiń parlamenttik stats-hatshysy Ernst Býrgbaher, Býndestagtyń Týrızm jáne sport komıtetiniń múshesi Iýrgen Klımke jáne basqalar jasady. Sharaǵa barlyǵy 200-ge jýyq qonaqtar, olardyń ishinde depýtattyq korpýstyń ókilderi, Germanııanyń memlekettik organdarynyń basshy qyzmetkerleri, qoǵamdyq, saıası jáne isker toptarynyń, sondaı-aq, GFR BAQ-tarynyń ókilderi qatysty.
Nemis tarapy eki memleket basshylary turaqty qoldap kele jatqan ekijaqty qatynastardyń joǵary deńgeıin, sondaı-aq GFR úshin Ortalyq Azııadaǵy mańyzdy seriktes dep qarastyratyn Qazaqstanmen keń kólemdi saıası-ekonomıkalyq yntymaqtastyǵynyń mańyzy zor ekenin basa kórsetti. Nemis baıandamashylary atap ótkendeı, qazaqstandyq ekonomıkanyń makroekonomıkalyq kórsetkishteri, sondaı-aq eldegi tıimdi ınvestısııalyq ahýal ekonomıka salasyndaǵy ekijaqty yntymaqtastyq ósýiniń naqty alǵysharty bolyp tabylady.
О́ziniń quttyqtaý sózinde elimizdiń Syrtqy ister mınıstriniń birinshi orynbasary, Halyqaralyq EKSPO-2017 kórmesiniń komıssary R.Joshybaev eki el arasyndaǵy tyǵyz saıası únqatysý eki jaqqa da tıimdilik ákelip otyrǵanyn atap kórsetti. Qazaqstandyq dıplomat aıtyp ótkendeı, Elbasy N.Á.Nazarbaevtyń 2012 jylǵy Germanııaǵa jáne GFR Kansleri A.Merkeldiń 2010 jy
