Kókeıine kishkentaıynan kóp jaıtty túıip ósken bala keıin kele kez kelgen dúnıege oıly kózben qaraıtyn azamat bolatyny málim. Oı-sanasynyń jetilýine, qalyptasýyna ósken orta men áleýmettik máseleniń yqpal etetini de ras. Osydan seksen jyl buryn jaryq dúnıeniń esigin ashqan Turar Qoıshyǵarauly Kókeevtiń ómir joly san taraý. О́ıtkeni, balalyq shaǵy ekinshi dúnıejúzilik soǵys jyldaryna dóp keledi. Ákesi Qoıshyǵara soǵystyń alǵashqy kúnderi-aq armııa qataryna shaqyrylady. Azapty da azaly kúnderdiń salmaǵy tym aýyr bolatyn. Buǵanasy bekimegen jas ta, mańdaıymen jer tiregen kári de óz betinshe talpynbasa, qaıran joq edi. Halyq jappaı jankeshtilikpen eńbekke jegildi. Anasy Zıbagúl ekeýi jan saqtap, kúneltý úshin 9 jasar qarshadaı Turar aýyldyń jekemenshik ýaq malyn baǵýǵa májbúr boldy.
Kókeıine kishkentaıynan kóp jaıtty túıip ósken bala keıin kele kez kelgen dúnıege oıly kózben qaraıtyn azamat bolatyny málim. Oı-sanasynyń jetilýine, qalyptasýyna ósken orta men áleýmettik máseleniń yqpal etetini de ras. Osydan seksen jyl buryn jaryq dúnıeniń esigin ashqan Turar Qoıshyǵarauly Kókeevtiń ómir joly san taraý. О́ıtkeni, balalyq shaǵy ekinshi dúnıejúzilik soǵys jyldaryna dóp keledi. Ákesi Qoıshyǵara soǵystyń alǵashqy kúnderi-aq armııa qataryna shaqyrylady. Azapty da azaly kúnderdiń salmaǵy tym aýyr bolatyn. Buǵanasy bekimegen jas ta, mańdaıymen jer tiregen kári de óz betinshe talpynbasa, qaıran joq edi. Halyq jappaı jankeshtilikpen eńbekke jegildi. Anasy Zıbagúl ekeýi jan saqtap, kúneltý úshin 9 jasar qarshadaı Turar aýyldyń jekemenshik ýaq malyn baǵýǵa májbúr boldy.
Aı aralatyp aýylǵa qara qaǵaz keletin. Bala kóńili kúpti, ákesin oılap, janyn shúberekke túıip júretin. Soǵys aıaqtalýǵa jaqyndaǵanda kókesi aýyr jaraqattanyp, elge múgedek bolyp oralady. Bir qýanarlyǵy – keýdesinde jany bar, tiri.
Osyndaı qıynshylyq jaǵdaıǵa qaramaı Turar aýyldaǵy ortalaý mektepti úzdik bitirip, Jambyl qalasyndaǵy medýchılıshege kelip túsedi. Sóıtip, belgili ǵalym-hırýrg, joǵary mártebeli ustaz, Talas ólkesinen ǵylym jolyna túsken alǵashqy túlekterdiń biri – Turar Kókeevtiń úlken ómirdegi alǵashqy qadamy osylaı bastalady.
Dárigerlik mamandyqty tańdaýyna eń basty sebepker bolǵan – ákesiniń jany qınalyp jatqanda aıtqan bir aýyz sózi edi. «Balam, dárigerlik oqýǵa túsýge tyrys». Bul onyń esinde ár kez jańǵyryp júrdi.
Sonymen, Turar Kókeev medýchılısheni qyzyl dıplommen bitirip, Qazaq memlekettik medısına ınstıtýtynyń emdeý fakýltetiniń stýdenti atanady.
Stýdentterdiń lıderi, úzdik stıpendıat, komsomol komıtetiniń hatshysy Turar Kókeev ınstıtýtty da qyzyl dıplommen bitirip, kindik qany tamǵan Talas aýdandyq aýrýhanasyna joldamamen kelip, jumysqa kirisip ketedi. Jas ári bilikti maman tynym tappaıtyn izdenimpazdyǵy abyroıǵa bóleıdi.
Kóp uzamaı ınstıtýtty úzdik bitirgen Turardy ózi túlep ushqan ınstıtýty ulttyq ǵylymı kadrlar daıyndaý jospary boıynsha hırýrgııa aspırantýrasyna shaqyrdy. Qabyldaý emtıhanyn jaqsy tapsyrǵan Turekeń belgili ǵalym, professor Mıhaıl Ivanovıch Brıakınge shákirt bolyp shyǵa keledi.
Minezi qatal, túsi sýyq, «eki aıtpaıtyn», «kúlmes han» atalyp ketken ustazy Mıhaıl Brıakınniń «tepkisine» shydaı almaı jas dárigerlerdiń klınıkany tastap ketkenderi de bolatyn. Biraq, onyń ádilettiligi, óte joǵary deńgeıdegi ustazdyq qabileti, óziniń shákirtterin jábirlettirmeýge bar kúshin salatyn abzal qasıeti shydasań shyńdaıtyn. Osyndaı qıynshylyqtarǵa tózip, qamqorshysynyń kóńilinen shyǵý shákirti Turarǵa ońaı bola qoıǵan joq. Ustazdyń qoıǵan talaptaryn asyra oryndap, ol kisiniń jasaǵan eń kúrdeli operasııasyna birinshi assıstent bolý; alqaly jıyndarda, konferensııalarda qasynan qaldyrmaı alyp júrýi, ózi oqıtyn dáristerdi, júrgizetin semınarlardy tek talapkerge tapsyrýy, oblystarǵa qan tamyrlaryna kúrdeli operasııalar jasaýǵa Turardy jiberip otyrýy; ózi zeınetke shyǵarda basqa professorlardyń baryna qaramastan ornyna, kafedra meńgerýshiligine jas shákirti Kókeevti qaldyrýy – aıtýly ǵalymnyń aqıqattan attamaıtynyn kórsetse kerek.
Mine, búgin Turekeń aq halat kıip ózin medıkter qaýymynyń qataryndamyn dep esepteıtinine 64 jyl bolsa, joǵary mektep ustaz
