Keshe keshki saǵat 19.00-ge deıingi resmı málimetterge qaraǵanda búgingi tańda elimizde qaýipti indetti juqtyrǵandardyń 1290 adamǵa jetti. Qýanarlyǵy, jazylyp shyqqandardyń da qatary kóbeıip, 240 adamdy qurady. О́kinishke qaraı, qaıtys bolǵandardyń sany 16-ǵa ósti.
«Juqpaly aýrýlar stasıonarlarynda 1034 adam emdelip jatyr. 21 naýqastyń jaǵdaıy aýyr, 169-nyń densaýlyǵy ortasha aýyr deńgeıde, 1 pasıent qandy ottegimen qanyqtyrý apparatyna qosylǵan. Jaǵdaıy aýyr pasıentterdiń ishinde: 9 naýqas ókpeni jasandy jeldetý apparatyna, 6 naýqas ókpeni maskaly jeldetý apparatyna qosylǵan, 7 naýqas ottegini jalǵaý arqyly ózdiginen tynys alyp jatyr. Júrgizilgen emdeý sharalarynyń nátıjesinde 5 naýqas ókpeni jasandy jeldetý apparatynan óz betimen tynys alýǵa aýystyryldy jáne jaǵdaıy jaqsarǵan 18 pasıent reanımasııadan beıindi bólimderge aýystyryldy», dedi ol.
Densaýlyq saqtaý vıse-mınıstri L.Aqtaevanyń sózinshe 370 medısına qyzmetkerinde koronavırýs anyqtalǵan.
Almaty qalasynda 177 qyzmetker, Nur-Sultanda – 92, Soltústik Qazaqstanda – 15, Atyraýda – 17. Jalpy naýqastanǵandardyń ishinde 29 paıyzy dárigerler, 48 paıyzy orta medısınalyq qyzmetkerler, 23 paıyzy kishi medısınalyq qyzmetkerler. Naýqastanǵan medısına qyzmetkerleriniń ishinde reanımasııalyq bólimshelerde jatqandary joq», dedi vıse-mınıstr.
