Premer-Mınıstr Asqar Mamınniń tóraǵalyǵymen Prezıdent janyndaǵy Tótenshe jaǵdaı rejimin qamtamasyz etý jónindegi memlekettik komıssııanyń kezekti otyrysy ótti.
Elimizdegi sanıtarlyq-epıdemııalyq jaǵdaı týraly Densaýlyq saqtaý mınıstri E.Birtanov, Nur-Sultan men Almaty qalalarynda bıznes sýbektileri qyzmetiniń jekelegen túrlerin qaıta bastaý máselesi týraly Premer-Mınıstrdiń orynbasary E.Toǵjanov, sondaı-aq ákimder A.Kólginov pen B.Saǵyntaev baıandady.
Prezıdent Qasym-Jomart Toqaevtyń tapsyrmasyn júzege asyrý aıasynda Memlekettik komıssııa bıylǵy 20 sáýirden bastap qatań sanıtarlyq-epıdemııalyq sharalardy saqtaı otyryp, Nur-Sultan jáne Almaty qalalarynda jumysyn qaıta bastaıtyn kásipkerlik sýbektileri qyzmet túrleriniń tizimin bekitti.
Nur-Sultan qalasynda:
ónerkásiptik kásiporyndar;
qurylys jáne jol-qurylys salalarynyń kompanııalary, iri qurylys dúkenderi;
kólik, qoımalaý salalaryndaǵy kompanııalar, aýyl sharýashylyǵy maqsatyndaǵy servıstik kompanııalar;
avtosalondar, TQS, avto jýý, dóńgelek aýystyrý servısi, avtobólshekter dúkenderi, hımııalyq tazalaý, keńse tehnıkasyn jóndeý;
ekinshi deńgeıli bankter saǵat 9:00-den 16:00-ge deıin shtat sanynyń 50%-yn shekteýmen, notarıýster aldyn ala jazylý boıynsha jumys isteıdi;
qoǵamdyq tamaqtaný nysandarynyń jumysy tek ózimen alyp ketý jáne jetkizý qyzmetimen saǵat 22:00-ge deıin uzartylady.
Almaty qalasynda:
ónerkásiptik kásiporyndar;
qurylys jáne jol-qurylys salalarynyń kompanııalary, qurylys materıaldarynyń iri kóterme bazarlary;
notarıýster aldyn ala jazylý boıynsha;
tek bızneske qyzmet kórsetý úshin HQKO bir bólimshesi (Naýryzbaı aýdany, Shuǵyla shaǵyn aýdany, 347/1).
Nur-Sultan jáne Almaty qalalaryndaǵy shuǵyl shtab kásiporyndar men kásipkerlik sýbektileriniń naqty tizimin, olardyń qyzmetkerleriniń naqty sanyn, jumys ýaqytyn jáne jetkizilý tásilin anyqtaıdy.
Úkimet basshysy Nur-Sultan jáne Almaty qalalarynyń ákimderine tıisti sharalardy qabyldap, jumysy qaıta jandanatyn nysandarda sanıtarlyq-epıdemııalyq qaýipsizdiktiń saqtalýyna qatań baqylaý jasaýdy qamtamasyz etýdi tapsyrdy.
Otyrysqa qatysýshylar sonymen qatar, karantın engizilgen qalalarǵa aýyl sharýashylyǵy taýarlaryn jetkizýshilerdiń avtomashınalaryn ótkizý, karantın kezinde kóktemgi egis jumystaryn uıymdastyrý, aýyl sharýashylyǵy ónimderin forvardty satyp alýdy ótkizý, karantın engizilgen qalalardyń turǵyndary úshin kommýnaldyq tólemderdi azaıtý, azyq-túlik jáne turmystyq jıyntyqtardy usynýdy aqshalandyrý jáne t.b. máselelerdi qarastyrdy.
Premer-Mınıstr tıisti sanıtarlyq-epıdemııalyq normalardy saqtaýmen fermerlerdiń egis jumystarymen bógetsiz aınalysýyn qamtamasyz etýdi, karantın engizilgen qalalarǵa aýyl sharýashylyǵy taýarlaryn jetkizýshilerdiń avtomashınalaryn ótkizýdiń biryńǵaı tártibin engizýdi jáne júkterdiń negizsiz bógelýin boldyrmaýdy tapsyrdy.
Memlekettik komıssııa Indýstrııa jáne ınfraqurylymdyq damý mınıstrligi ázirlegen tótenshe jaǵdaı kezeńinde Kommýnaldyq qyzmetterdi jetkizýshilerdiń shyǵyndaryn óteý erejesiniń jobasyn qarady.
«Usynylǵan tetik turǵyndar úshin de, kommýnaldyq kásiporyndar úshin de olardyń úzdiksiz jumysyn qamtamasyz etý maqsatynda memlekettik qoldaýdyń pármendi sharasyna aınalýy tıis», dedi Úkimet basshysy.
Jedeldikti jáne azamattardyń qaýipsizdigin qamtamasyz etý maqsatynda Memlekettik komıssııa Eńbek jáne halyqty áleýmettik qorǵaý mınıstrligi engizgen azyq-túlik jáne turmystyq jıyntyqtardy jeke tulǵalardyń shotyna aqshalaı qarajatty aýdarý arqyly berý týraly usynysty maquldady.
«О́ńirlerdiń ákimdikteri usynylǵan tetikke sáıkes kómekti alýshylarǵa aqshalaı qarajattyń ýaqtyly aýdarylýyn qamtamasyz etýi kerek. Karta shottary bolmaǵan jaǵdaıda nemese kómek alýshylardyń jasyna ne múgedektigine baılanysty kelýge múmkindigi bolmasa, sanıtarlyq talaptardy saqtaı otyryp, azyq-túlik jıyntyǵyn úıge jetkizýdi qamtamasyz etý qajet», dedi A.Mamın.
