Keshe Qaırat Mámıdiń tóraǵalyq etýimen Qazaqstan Respýblıkasy Parlamenti Senatynyń bıýro otyrysy boldy. Onda Qazaqstan Respýblıkasy Prezıdentiniń Táýelsiz Memleketter Dostastyǵy Ekonomıkalyq sotynyń sýdıasyn bosatýǵa jáne saılaýǵa usynýy týraly máseleni talqylaý Konstıtýsııalyq zańnama, sot júıesi jáne quqyq qorǵaý organdary komıtetine berildi.
Keshe Qaırat Mámıdiń tóraǵalyq etýimen Qazaqstan Respýblıkasy Parlamenti Senatynyń bıýro otyrysy boldy. Onda Qazaqstan Respýblıkasy Prezıdentiniń Táýelsiz Memleketter Dostastyǵy Ekonomıkalyq sotynyń sýdıasyn bosatýǵa jáne saılaýǵa usynýy týraly máseleni talqylaý Konstıtýsııalyq zańnama, sot júıesi jáne quqyq qorǵaý organdary komıtetine berildi.
Bıýroda, sondaı-aq, Qazaqstan Respýblıkasy Parlamenti Senatynyń 2013 jylǵa arnalǵan Negizgi sharalar josparyna ózgerister men tolyqtyrýlar engizildi.
Odan basqa, palatanyń bıylǵy 12 qyrkúıekte bolatyn otyrysynyń kún tártibine usynystar qaraldy. Otyrysta Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konvensııany jáne oǵan Hattamany ratıfıkasııalaý týraly zań jobasy talqylanatyn boldy.
Budan bylaı Senat otyrystaryn on-laın rejimde translıasııalaý kózdelýde. Al keleshekte palata turaqty komıtetteriniń keńeıtilgen otyrystaryn da kórsetý qolǵa alynady, dep habarlady osy palatanyń baspasóz qyzmeti.
