Qazaqstan • 16 Sáýir, 2020

Bıyl «Úsharal-Dostyq» tasjolynyń 60 shaqyrymy ashylady

737 ret

kórsetildi

1 mın

oqý úshin

Uzyndyǵy 184 shaqyrymdy quraıtyn «Úsharal-Dostyq» avtomobıl joly Almaty oblysyna qarasty Yntaly, Kóktýma, Jalańashkól jáne Dostyq eldi mekenderi arqyly ótetin bolady, dep habarlaıdy IIDM baspasó qyzmeti.

Suńǵat ÁLIPBAI

Bıyl «Úsharal-Dostyq» tasjolynyń 60 shaqyrymy ashylady

Búgingi tańda bas merdiger «Qyran» JShS men «ABK Avtodor NS» JShS negizgi jumystarǵa kirisip ketti. Jumystyń sapasyn «Aımerke» JShS, «Alıans» IО́O» JShS men «Sapaınjınırıng» JShS birlesip baqylaıdy.

Qaıta jańartý jumystarynan ótken soń Úsharaldan Dostyq eldi mekenine deıingi 184 shaqyrymdyq kúre jol II-tehnıkalyq sanatqa sáıkestendirilip, eki jolaqty avtojol bolady. Joba aıasynda 12 kópir, 278 qubyr, demalys alańdary salynyp, eldi mekenderdiń mańynda avtopavılnodar ornatylady dep kútilýde.

Tasjoldy qaıta jańartý jumystaryna jol-qurylys tehnıkasynyń 363 birligi men 571 maman jumyldyrylmaq. Aǵymdaǵy jyldyń sońyna deıin atalǵan joldyń 60 shaqyrymynda qozǵalys ashylady dep josparlanǵan. Joba aıasyndaǵy jumystar 2022 jyly tolyqtaı aıaqtalýy tıis.