Taraptar transshekaralyq sý nysandary jónindegi yntymaqtastyq məselesin talqylaǵan.
- Oral ózenin saýyqtyrý jóninde sarapshylyq organ qurý týraly sheshim qabyldaýdyń səti tústi. Bul rette ǵalymdar ózenniń ekojúıesin saýyqtyrý jəne sý arnasyn boljamdaý jónindegi eki məsele boıynsha jumys isteıdi. Organnyń quramyn 20 səýirge deıin anyqtaý kelisildi, - dep jazdy M.Myrzaǵalıev.
Mınıstrdiń derekteri boıynsha, sondaı-aq Jaıyq jəne Ertis ózenderin eko-saýyqtyrý baǵdarlamasyn, Jaıyq ózeniniń gıdrologııalyq rejimin tekserý məselesin talqylaýdyń səti túsken.
- Bul jumystar Qazaqstan Prezıdentiniń tapsyrmasy boıynsha júrgizilýde. Atqarylatyn isterdi qazaqstandyq-reseılik salalyq komısııa sheńberinde jandandyrý kelisildi, - dep atap ótti Qazaqstannyń Ekologııa mınıstri.
- Bul ýaǵdalastyqtar bizdiń elderimizdiń sý sharýashylyǵyndaǵy yntymaqtastyqty jandandyryp, transshekaralyq sý nysandarynyń eko-ahýalyn jaqsartýǵa arnalǵan, - deıdi M.Myrzaǵalıev.
Budan basqa, taraptar Qazaqstan men Reseı 17- aımaqaralyq yntymaqtastyq forýmynyń sheńberinde qol qoıý josparlanyp otyrǵan ekijaqty qujattardyń jobasyn talqylap, olardy kelisý prosesin jedeldetýge ýaǵdalasty.
