Ústimizdegi jyldyń basynda Germanııada Aıan jaıynda fılm shyqty. Nemisterdiń ARD arnasynan kórsetilgen sol fılmde aıtýly azamattyń jemqorlyqqa tikeleı qatysy bar ekeni aıtyldy. Sondaı-aq sporttyń bul túrinde dopıngke qarsy kúres óz deńgeıinde júrgizilmeı, Aıan myrza kóptegen derekterdi jasyryp qalǵany jaıynda da baıandaldy.
Fılm jaryq kórgennen soń daý-damaı bastaldy. Tergeý amaldary aıaqtalǵansha federasııa prezıdenti 90 kúnge jumystan shettetildi. Al kúni keshe Aıannyń qyzmetten ketkeni belgili boldy.
81 jastaǵy Tomash Aıan 1975-2000 jyldar aralyǵynda Halyqaralyq aýyr atletıka federasııasynyń bas hatshysy boldy. Sodan keıin 20 jylǵa jýyq ýaqyt osy uıymdy basqardy. Aıan myrza Qazaqstanǵa da birneshe ret kelip, Nur-Sultan men Almaty qalalarynda ótken álem jáne qurlyq chempıonattarynyń tusaýyn kesti.
