Bulqynys

«Qazaqstan» telearnasy «Intellektýaldy ult – 2020» atty jańa jobanyń tusaýyn kesti

Qyrkúıek aıy bilim esigin ashyp qana qoı­­maı­­­dy, bul – tele­arnalardyń qalyń kórermeni úshin jańa maýsymdy bastaıtyn mezgili. Endeshe, dál osy kúnderi ulttyq telearnada «Bilgirler otaýy» jobasy tusaýyn kesip, óz aýdı­to­­rııa­syna jol tartty.

«Qazaqstan» telearnasy «Intellektýaldy ult – 2020» atty jańa jobanyń tusaýyn kesti

Qyrkúıek aıy bilim esigin ashyp qana qoı­­maı­­­dy, bul – tele­arnalardyń qalyń kórermeni úshin jańa maýsymdy bastaıtyn mezgili. Endeshe, dál osy kúnderi ulttyq telearnada «Bilgirler otaýy» jobasy tusaýyn kesip, óz aýdı­to­­rııa­syna jol tartty.

Ulttyq arnadaǵy bul joba­nyń bas­­ty ereksheligi – zııat­kerlik baǵ­­­dar­­lama bolyp tabylady. Bul da bol­­­sa ýaqyttyń suranysynan týǵan sony baǵyt der edik. О́ıtkeni, kórer­­­men­­­der de talǵam-talaptarymen, óre ólshem­derimen toptarǵa bólinedi. Má­se­len, túrli oıyn-saýyq, án-kúı baǵ­dar­lamalarynda kóship júretin bir top ánshi, onshaqty óner juldyzy áb­den jalyqtyrǵan jurt barlyq kezde kógildir dıdardaǵy jańalyqshyl dú­nıe­lerge qumar. Qazir buqaralyq aq­pa­rat quraldary damyǵan memleket­ter­ge qarasaq, ıntel­lektýaldyq baǵ­dar­­lamalarǵa den qoıýda. Bul da beker emes...

Osy turǵydan alǵanda, kórermen qaýymynyń tanym aıasyn keńeıtip, bir sát bolsa da oılanýǵa, apyrym-aı degizip, tańdanýǵa jeteleıtin tele­arna­lardaǵy tanymdyq baǵdarla­ma­lardy sanamalasańyz on saýsaqqa tolýy neǵaıbyl.

Degenmen, qazirgi tańda bulqy­nys­ty kezeńderdi bastan ótkerip, kóp­shiliktiń keregin eksheýge kóshken otandyq telearnalarda ilgeri bas­qan ister az emes. Sol ilkimdi basta­ma­lardyń qataryna «Bilgirler otaýyn» da qosyp qoıalyq.

– Buǵan deıin «Qazaqstan» telearnasynda tanymdyq baǵyt ustanǵan baǵdarlamalar bolmady dep aıtýǵa kelmes. Biraq, telearnalardaǵy baǵ­darlamalardyń basym bóligi estrada juldyzdaryn ǵana qatystyryp qoıady da, qara­paıym adamdar, basqa salanyń ókilderi umyt qalyp jatady. Qarap otyrsaq, árbir salanyń óz juldyzdary bar, kórinbeı júrgen talanttary jetkilikti, – deıdi «Bilgirler otaýy» baǵdarlamasynyń avtory ári prodıýseri Ulpan Quraıysova.

Sonymen, aptasyna bir ret ekranǵa jol tartatyn bir saǵattyq telejoba qazaq tilinde júredi. Baǵ­darlamany tanymal óner adamy – shyǵarmashylyq otbasynda dúnıe­ge kelgen akter ári kompozıtor Nur­lan Álimjan júrgizedi. Joba avtor­larynyń tańdaýy bul jigitke tekke túspegenin birden aıtqan jón. Boıynda ult­tyq namysy bar, ana tiliniń tuny­ǵyn qanyp ishken, ári sheshen, qaı taqyrypqa salsań da kósem, kelbeti kórkem akter barlyq talap údesinen shyǵady.

Atalmysh baǵdarlamanyń negizinde reseılik «NTV» arna­synyń «Svoıa ıgra» oıyny jatyr. «Bilgirler otaýy» 4 belesten turady. Ár salaǵa baılanysty qyzyqty málimetter men suraqtardan turatyn synaqtardan súrinbeı bilimi men jyldamdyǵy arqasynda bir top jeńiske jetip shet­elge baryp-qaıtý múmkindigine ıe bolady. Baǵdarlamanyń ár kezeńi ataýyna tán keletin suraqtardan turady.

«Bilgirler otaýy» – óz ul­ty­nyń baqytty bolashaǵyn, kemel keleshegin oılaǵan, tórt qubylasy túgel, qýatty memleket qurýdy maqsat etken Elbasynyń «Intellektýaldy ult-2020» ulttyq jobasyn qoldaýshy baǵdarlama. Maq­saty – jan-jaqty damyǵan bilimdi, mádenıetti, otanshyl, ultjandylyqty qalyp­tas­tyrý. «Bilgirler otaýy» – Pre­zıdentimizdiń «Intel­lek­týaldy ult» jobasynyń ekinshi aspektisi – ǵylym salasyn damytý men elimizdiń ǵylymı áleýetin arttyrý sınopsısin negiz etip otyr.

Aınash ESALI,

«Egemen Qazaqstan».

ALMATY.