Kúres Olımpıadada qaldy. Argentınanyń Býenos-Aıres qalasynda ótken Halyqaralyq olımpıada komıtetiniń kezekti sessııasynda kúres túrlerin Olımpıada baǵdarlamasynda qaldyrý týraly sheshim qabyldandy.
• Kúres Olımpıadada qaldy. Argentınanyń Býenos-Aıres qalasynda ótken Halyqaralyq olımpıada komıtetiniń kezekti sessııasynda kúres túrlerin Olımpıada baǵdarlamasynda qaldyrý týraly sheshim qabyldandy.
8 qyrkúıek kúni ótken daýys berý kezinde HOK 49 múshesi kúresti, 24 múshesi beısboldy, 22 múshesi skvoshty jaqtap daýys berdi.
• «Barystyń» baby jaqsy. Qurlyqtyq hokkeı lıgasynyń jańa maýsymy bastaldy. Astananyń «Barys» komandasy alǵashqy oıynyn óz alańynda Cherepovestiń «Severstal» klýbymen ótkizip, 10:1 esebimen utty.
Al Joǵary hokkeı lıgasynda jańa maýsymyn bastaǵan Qaraǵandynyń «Saryarqa» klýby, ókinishke qaraı, Neftekamskide «Toros» komandasynan 3:4 esebimen jeńilip qaldy.
• Regbıden Qazaqstannyń áıelder quramasy Almatyda ótken Azııa chempıonatynda jeńiske jetip, keler jyly Fransııada ótetin álem chempıonatyna joldama aldy.
Qazaqstan men Japonııa arasynda ótken fınalda bizdiń qurama 25:23 esebimen jeńiske jetti. Qola júldeni Sıngapýr jeńip aldy.
• Astanada – kókpardan Azııa chempıonaty. 10-15 qyrkúıek kúnderi qalanyń «Qazanat» atshabarynda elimizde kókpardan tuńǵysh ret I-ashyq Azııa chempıonaty ótedi.
Oǵan bizdiń elden basqa Reseı, О́zbekstan, Qyrǵyzstan, Túrkııa, Tájikstan, Aýǵanstan, Qytaı, Mońǵolııa elderiniń sportshylary qatysady.
• Jasóspirimder jaqsy bastady. Jeksenbi kúni Ýkraına astanasy Kıev qalasynda bokstan jasóspirimder arasyndaǵy álem chempıonaty bastalady.
Onda 46 kg. salmaq dárejesinde Álimjan Beskempir, Sabyrjan Ábilov (54 kg), Jumageldi Raev (75 kg.) alǵashqy jekpe-jekterinde jeńiske jetti.
• Sportta Výdstan asqan baı joq. Jaqynda «Forbes» jýrnaly álemniń eń baı sportshylarynyń tizimin jarııalady.
Álemdegi eń baı sportshylardyń tizimin AQSh golfshisi Taıger Výds bastap tur. Onyń jyldyq tabysy – 78,1 mln. AQSh dollary. Ekinshi orynda shveısarııalyq tennısshi Rodjer Federer. Onyń tabysy – 71, 5 mln. dollar. Amerıkalyq basketbolshy Kobı Braıant 61,9 mln. dollarmen úshinshi orynda tur.
• Klıchko bokstan ketemin dep jatyr. Bokstan WBC tujyrymy boıynsha asa aýyr salmaqtaǵy álem chempıony Vıtalıı Klıchko 2014 jyly sporttan ketýi múmkin ekenin málimdedi.
Aǵaıyndy Klıchkolardyń K2 Promotions promoýterlik kompanııasynyń ókili Tom Lefflerdiń aıtýynsha, Vıtalıı Klıchko endi bir ǵana kezdesý ótkizýi múmkin. Ol chempıondyq ataqqa úmitker kanadalyq Bermeın Stıvernmen qolǵap túıistiredi.
• Flaıborlıng - jańa sport túri. Álemde osyndaı atpen sporttyń jańa túri paıda boldy.
Ázirge bul sportpen 30 jastaǵy Ulybrıtanııa azamaty ǵana aınalysady. Ol reaktıvti áskerı qapshyq kıip, sý aıdynynan 9 metrge deıin kóteriledi. Sý ótkizbeıtin arnaıy zymyran jákettiń quny 15 myń fýnt sterlıng turady.
• Buryn-sońdy bolmaǵan rekord. Gollandııanyń Rotterdam qalasynda Kaıl esimdi basketboldyń áýesqoı oıynshysynyń 98 metr bıiktikten laqtyrǵan doby sebetke dál tústi.
Álemdik rekordty jańartý úshin ol Rotterdamnyń áıgili «Eýromast» munarasyna shyqqan. Al sebet munaranyń dál astyna ornatylǵan. Basketbolshy dopty torǵa dál túsirdi.
«Egemen-aqparat».
