Synaqqa shydaý kerek

«Jaman tumaý» aýylǵa da jetti

Qaraǵandy oblysynda koronavırýs ınfeksııasyn juqtyrǵan taǵy bir adam belgili boldy. Naýqastyń jasy 53-te, ol osy indetpen aýyrǵan adam­darmen baılanysta bolǵan eken. Sáýir­diń 14-shi kúninde oblysta atalǵan dert­ke shaldyqqandardyń sany 78 adam boldy. О́kinishtisi sol, «jaman tu­maý» aýylǵa da jetti. Keshegi korona­vırýs juqtyrǵandardyń ishinde Shet aýdanyndaǵy toǵyz joldyń torabynda ornalasqan bir kentte turatyn er adam da bar. Endi, «koronavırýs bizge kel­gen­­she qaı zaman» dep, beıǵam júrgen aýyl­dyń ańǵal qazaǵyna qıyn bolǵaly tur.

 Búgin ekpegen erteń nesin orady?

Koronavırýs ta keter, jaqsy kúnder de jeter. Al shyny kerek, búgin astyq ekpeseńiz, kúni erteń ash qalýyńyz ábden múmkin. Jalpy, tótenshe jaǵdaı kóktemgi dala jumystaryna kedergi keltirmeýi kerek. Mine, osy máselelerdi jedel sheship, naýqandyq jumystardy retteý úshin Qaraǵandy oblysynda óńirlik shtab quryldy. Bul týraly osy shtabty basqaratyn oblys ákiminiń orynbasary Serik Shaıdarov habarlady.

Bıyl oblysta astyq ótken jylmen salystyrǵanda 50 myń gektarǵa artyq ósirilip, onyń jalpy kólemi 1,2 mln gektar alqapty quraıtyn bolady. Munyń ishinde dándi daqyldar alatyn úles – 900 myń gektar.

Qazirgi ýaqytta egis alqabyna shy­ǵatyn 12 myń traktor, 193 egis keshe­ni, 6 myńnan astam tuqym sepkish tehnı­ka­nyń 98% daıyn eken.

Oblys ákiminiń orynbasary fermerlerge 19 myń tonna arzandatylǵan janar-jaǵarmaı jetkiziletinin málim etti. Agrarlyq nesıe korporasııasy ta­rapynan kóktemgi dala jumystaryna jyldyq 5%-ben 2,5 mlrd teńge bólinip, búginge deıin osy somanyń 2,2 mlrd teńgesi ıgerilipti.

Karantın qyzmetti arzandatty

Qaraǵandy oblysynda sáýir aıynyń basynan bastap kommýnaldyq qyzmetterdiń tarıfteri 5%-ǵa tómen­detilgen. Sýmen jabdyqtaý jáne sý burý, elektr jáne jylý berý qyzmet­teri arzandady. Al aıyppul men ósimaqy­lar ýaqytsha joıylǵan. Bul týraly ta­bıǵı monopolııalardy retteý jónindegi departament basshy Arman О́tege­nov habarlady. Departament basshy­sy tarıftiń turǵyndar úshin ǵana tómen­de­tilgenin aıtty. Al zańdy tulǵalar men bıýdjettik uıymdar qyzmetterdi bu­rynǵysynsha tóleıtin bolady.

– О́ńir azamattary tarıfti tó­mendetý esebinen jalpy quny 160 mln teńge qarajatty únemdeı alady degen úmittemiz. Mysaly, 65 sharshy metr bolatyn bir páterde únemdeý aıy­na shamamen 600 teńgeni quraıtyn bolady, – dedi Arman О́tegenov.

Osynyń aldynda Shahtınsk turǵyndarynan elektr energııasy úshin tólemniń tym artyp ketkeni týraly shaǵym túsken bolatyn.  Bul jaǵdaıǵa túsinik bergen departament basshysy tólemaqynyń ósýin karantın kezinde adamdardyń kóp ýaqytyn úıde ótkizip, elektr quraldaryn jıi paıdalanýymen baılanystyrdy.

Qaraǵandy oblysy