Elordadaǵy baıyrǵy bilim uıalarynyń biregeıi J.Jabaev atyndaǵy №4 mektep-gımnazııasynda «Iаdrolyq synaqtardyń sebepteri men zardaptary» degen taqyrypta dóńgelek ústel ótti. Oǵan qala mektepteriniń oqýshylary qatysyp, ıadrolyq synaqtardyń keltiretin qasiretteri týraly oı bólisip, mundaı alapat qarýdy jer betinen múlde joıyp, baıandy beıbitshilik ornatý jónindegi Elbasy Nursultan Nazarbaevtyń salıqaly ıdeıalaryn qoldaıtyndyqtaryn bildirdi.
Elordadaǵy baıyrǵy bilim uıalarynyń biregeıi J.Jabaev atyndaǵy №4 mektep-gımnazııasynda «Iаdrolyq synaqtardyń sebepteri men zardaptary» degen taqyrypta dóńgelek ústel ótti. Oǵan qala mektepteriniń oqýshylary qatysyp, ıadrolyq synaqtardyń keltiretin qasiretteri týraly oı bólisip, mundaı alapat qarýdy jer betinen múlde joıyp, baıandy beıbitshilik ornatý jónindegi Elbasy Nursultan Nazarbaevtyń salıqaly ıdeıalaryn qoldaıtyndyqtaryn bildirdi.
Atalmysh shara aıasynda №4 mektep-gımnazııanyń oqýshylary Ǵ.Abdýǵalımov, A.Mergenbek, N.Ǵazızova, №19 mektepten T.Esengeldına, №24 bilim uıasynan M.Ibraım, №29 mektepten A.Amangeldınova, №56 mektepten J.Myqtybaeva, №63 mektepten D.Rahymbekov, №68 mektepten E.Belıalov qazaq topyraǵynda 40 jyldan asa jasalǵan synaqtar týraly pikirlerin ortaǵa salyp, adam janyn túrshiktiretin mysaldardy alǵa tartty. Dóńgelek ústelge tek Astana qalasy mektep oqýshylary ǵana emes, Aqmola oblysy, Selınograd aýdany, Maksımovka aýyldyq okrýgindegi orta mektep oqýshysy Názıra Ermek te kelip, «Iаdrolyq synaqtardyń qorshaǵan ortaǵa zııany» atty taqyrypta óz baılamyn ortaǵa saldy. Onyń beıbit ómirge qulshynysy, alapat qarýdan arylý arqyly adamzatqa baqyt syılaý kerektigi týraly tyń tujyrymdary jınalǵandardyń kóńilinen shyqty.
Sol sekildi oqýshylardyń bastamasymen ótken basqosýda Qazaq gýmanıtarlyq zań ýnıversıtetiniń halyqaralyq quqyq jáne halyqaralyq qatynastar fakýltetiniń stýdenti Ábil Syrym «Iаdrolyq qarýsyzdanýdyń kóshbasshysy – Qazaqstan» degen taqyrypta baıandama jasap, Hırosıma, Nagasakı, Semeı polıgonyna qatysty sýretterdi, plakattardy, slaıdtardy jurtshylyqtyń nazaryna usyndy.
Qazaq eliniń bolashaǵyna óz úlesterin qosýdy maqsat etken, otanshyldyq rýhy myqty jastar bul bastamasyna uıytqy bolǵan atalmysh mekteptiń tarıh, qazaq tili pánderiniń muǵalimderi G.Baıqadamova, D.Aqjanova, J.Mustafına, A.Seıdýalıeva, G.Sultanbaeva, S.Mahanova jáne Memlekettik tarıh ınstıtýtynyń jetekshi qyzmetkeri S.Dúısen, t.b. azamattar ekenin aıta ketkenimiz lázim.
Serik QANBAEV,
J.Jabaeva atyndaǵy
№4 mektep-gımnazııasynyń muǵalimi.
