Birikken Ulttar Uıymy elder ál-aýqatynyń álemdik reıtıngin usyndy. Ony jasaý kezinde ómirdiń uzaqtyǵy, tipti, jemqorlyq qylmystar sııaqty faktorlar da eskeriledi.
BUU BAQYTTY ELDERDI ANYQTADY
Birikken Ulttar Uıymy elder ál-aýqatynyń álemdik reıtıngin usyndy. Ony jasaý kezinde ómirdiń uzaqtyǵy, tipti, jemqorlyq qylmystar sııaqty faktorlar da eskeriledi.
BUU nusqasy boıynsha birinshi orynda Danııa, odan keıingi oryndarda Norvegııa men Shveısarııa tur. Sonymen birge, Tropıkalyq Afrıka men Latyn Amerıkasynda ál-aýqat kórsetkishteriniń artyp kele jatqanyn da aıta ketý qajet. Ekonomıkalyq daǵdarysqa qaramastan, bútindeı alǵanda adamdar sońǵy bes jylda baqyttylaý jáne jomarttaý bolyp shyqqan. Taldaý kórsetkendeı, baqytty adamdar uzaq ómir súredi, olar mol eńbekaqy tabady ári tártipti azamattar bolyp sanalady. Zertteýge qatysqan 130 eldiń 60-ynda baqyttylyq deńgeıi kóterilip, 41-inde quldyrap ketken.
BAS HATShY QANDAI USYNYS JASAMAQ?
BUU Bas hatshysy Pan Gı Mýn Sırııa boıynsha sarapshylardyń baıandamalary jarııalanǵannan keıin óziniń Qaýipsizdik Keńesine usynys engizetinin málimdedi.
Osylaısha, BUU Bas hatshysynyń uıymnyń qaýipsizdik keńesine Sırııada hımııalyq qarý qoldanǵany úshin kinálilerdiń jaýapkershiligi týraly usynys daıyndaǵany belgili bolyp otyr. Men BUU sarapshylarynyń hımııalyq qarý týraly baıandamasy qaraýǵa usynylǵan kezde Qaýipsizdik Keńesine birqatar usynystar engizýdi oılastyryp otyrmyn, dep atap kórsetken bul týraly Pan Gı Mýn.
JANKEShTILERGE RAQYMShYLYQ JASALADY
Saýd Arabııasy Sırııanyń úkimettik áskerlerimen shaıqasý úshin myńnan astam jankeshtilerdi jibergen. Bul týraly amerıkalyq USAToday ınternet-basylymy habarlaǵan.
Osy jyldyń kókteminde Saýd Arabııasy ókimetiniń ólim jazasyna kesilgen 1,3 myńnan astam tutqyndarǵa eger olar sırııalyq úkimet áskerlerine qarsy soǵysqa qatysýǵa baratyn bolsa, raqymshylyq jasap, aı saıyn eńbekaqy tóleýge ýáde bergeni belgili bolyp otyr. BUU-daǵy Sırııanyń turaqty ókiliniń aqparatyna qaraǵanda, Saýd Arabııasy Sırııadaǵy soǵys úshin jaldamalylardy daıyndap, olarǵa aqy tólep turady. Jankeshtilerdiń arasynda Aýǵanstan, Irak, Iordanııa, Egıpet, Pákstan, Sýdan, Somalı, Iemen, Kýveıt sııaqty ondaǵan musylman elderiniń azamattary bar ekenin aıta ketý qajet.
OBAMA MÁSKEÝ USYNYSYN QOLDAIDY
Máskeýdiń Sırııadaǵy hımııalyq qarýǵa qatysty usynysy áleýetti túrde oń sıpatqa ıe. Barak Obama eń iri amerıkalyq telearnaǵa bergen suhbatynda Reseı syrtqy ister mınıstriniń bastamasyna óziniń osyndaı kózqarasyn bildirgen.
AQSh prezıdenti arab respýblıkasynyń hımııalyq qarýlarynyń búkil qoryna halyqaralyq baqylaý ornatý jónindegi Sergeı Lavrovtyń usynysyna qoldaý bildirip otyr. Aq úı basshysynyń pikirinshe, eger Sırııa ókimeti óz qarýynan bas tartýǵa kelisse, munyń ózi daý-janjaldy toqtatýdaǵy alǵashqy qadam bolmaq. Sonymen birge, resmı Vashıngtonnyń ázirge áskerı operasııadan bas tartpaı otyrǵanyn da aıta ketý kerek. Áskerı qımyldardy bastaý týraly senatqa usynylǵan qarardyń jobasy boıynsha daýys berý sársenbi kúni ótýge tıis edi, biraq, parlamentshiler ony keıinge qaldyryp otyr.
ULYBRITANIIа DA ÚNDEÝLERGE QOSYLMAQ
Ulybrıtanııa premer-mınıstri Devıd Kemeron Sırııanyń hımııalyq qarýlaryn halyqaralyq baqylaýǵa berý jónindegi Reseı men BUU talaptaryna qosylatynyn málimdedi.
Eger Sırııa óziniń hımııalyq qarýlaryn halyqaralyq baqylaýǵa berer bolsa, onyń ózi úlken qadam bolmaq, dep atap ótken Kemeron. Aıta ketý kerek, buǵan deıin Reseı syrtqy ister mınıstri Sergeı Lavrov Reseıdiń hımııalyq qarý-jaraqty halyqaralyq qoǵamdastyqtyń baqylaýyna berý úshin Sırııa basshylyǵymen jumystar júrgizýdi bastaıtynyn habarlaǵan bolatyn. Keıinirek, Reseıdiń bul bastamasyna BUU Bas hatshysy Pan Gı Mýn da qoldaý kórsetken.
DÚKENDI AVTOKО́LIKPEN ShABÝYLDADY
Parıjde tonaýǵa ushyraǵan dúken ıesine saqtandyrý kompanııasynan urlanǵan qymbat múlikter úshin ótemaqy tóleýdi ǵana emes, sonymen birge, tas-talqany shyqqan dúkendi jóndeýge ketetin shyǵyndardyń ornyn toltyrýdy da talap etýine týra keledi.
О́ıtkeni, tonaýshylar Vandom alańyndaǵy zergerlik dúkenniń vıtrınasyn da avtomashınamen qaǵyp ketken. Avtomobıldiń joǵary shapshańdyǵymen dúken ishine kirip kelgen qylmyskerler shamamen 2 mıllıon eýro bolatyn áshekeı buıymdaryn urlap áketken. Ázirge polısııa órtenip ketken avtokólikti ǵana taýyp otyr. Al qylmyskerler iz jasyryp úlgergen.
RESEI ÝKRAINALYQ POLIGONNAN BAS TARTTY
Reseı 2014 jyldan bastap «NITKA» polıgonyn ushqyshtar daıarlaý úshin paıdalanbaıtyny týraly Ýkraına jaǵyn resmı túrde habardar etti.
Krasnodar ólkesindegi Eısk qalasynda reseılik «NITKA» kesheniniń qurylysy aıaqtalyp keledi. Ústimizdegi jylǵy shildeniń ortasynda MıG-29KÝB ushaqtary onda alǵashqy jattyǵý ushýlaryn jasady. Osyǵan deıin Reseı ÁTF bas qolbasshysy V.Chırkov Eıskidegi reseılik trenajerdiń 2013-2014 jyldary iske qosylatynyn habarlaǵan bolatyn.
IRANDAǴY JOL APATY
Irannyń memlekettik teledıdary eki halyqaralyq avtobýstyń soqtyǵysýy saldarynan qaza tapqandar sany 44 adamǵa deıin kóbeıgenin habarlaǵan. Oqıǵa el astanasy Tegerannyń ońtústigindegi jol boıynda oryn alǵan.
Jol-kólik apatynyń dúısenbi kúni keshkilik avtobýstardyń biriniń dońǵalaǵynyń jeliniń shyǵyp ketýine baılanysty, onyń qarsy baǵytqa shyǵyp ketýi saldarynan oryn alǵany belgili bolyp otyr. Avtobýstyń ekeýi de otqa oranǵan. Alǵashynda 40 adam qurban boldy dep habarlanǵanymen, sońǵy málimetter boıynsha, olardyń 44-ke jetkeni belgili bolyp otyr. Onyń syrtynda 40-tan astam adam túrli dene jaraqattaryn alǵan.
Internet materıaldary negizinde ázirlendi.
