13 maýsymda Nur-Sultanda ótýge tıis dúbirli dodany barsha jankúıerdiń taǵatsyzdana kútkeni ras. Maıtalman mamandardan bastap, osy sport túrinen tıtteı de habary bar adamdarǵa deıin «Bul jarysqa kimder qatysady?», «Qazaq jerinde qandaı chempıondyq belbeýler sarapqa salynady eken?» degen saýalǵa jaýap izdep, álek boldy. Biraq koronavırýstyń kesirinen aıtýly týrnırdiń mejelengen ýaqytynda ótpeıtini anyq.
Kúni keshe M-1 Global promoýterlik kompanııasynyń prezıdenti Vadım FınkelshteınBAQ ókilderine bergen suhbatynda osy jarysqa baılanysty biraz jaıttyń betin ashty. Onyń aıtýynsha, Nur-Sultandaǵy týrnırde reseılik qandasymyz Damır Ismagulov pen qazaqstandyq óren Shavqat Rahmonovtyń qatysatyny anyq edi. Ekeýi de óz jankúıerleriniń kóz aldynda aıqasýǵa aıryqsha qushtar boldy. Alaıda eldi dúrliktirgen indet ol jospardy júzege asyrýǵa múmkindik bermedi.
