TMD-ǵa qatysýshy memleketter Qorǵanys mınıstrleri keńesi bekitken birlesken is-sharalar josparyna sáıkes Áýe shabýylyna qarsy qorǵanys áskerleriniń birikken júıesi sheńberinde búgin Saryshaǵan polıgonynda «Jaýyngerlik dostastyq – 2013» oqý-jattyǵýynyń sheshýshi kezeńi ótkizildi.
TMD-ǵa qatysýshy memleketter Qorǵanys mınıstrleri keńesi bekitken birlesken is-sharalar josparyna sáıkes Áýe shabýylyna qarsy qorǵanys áskerleriniń birikken júıesi sheńberinde búgin Saryshaǵan polıgonynda «Jaýyngerlik dostastyq – 2013» oqý-jattyǵýynyń sheshýshi kezeńi ótkizildi.
Birikken jattyǵýlarǵa barlyǵy 1500 adamnan turatyn jeke quram, 28 avıasııalyq tehnıka, 9 zenıtti-zymyran kesheni, sonymen qatar baılanys jáne radıotehnıkalyq qamtamasyz etý quraldary tartyldy.
Oqý-jattyǵý TMD-ǵa qatysýshy memleketterdiń áýe shabýylyna qarsy qorǵanys áskerleri men avıasıalyq koalısııalyq toptaryn birlese daıarlaý jáne olardy qoldaný, qarýly shıelenis pen terrorǵa qarsy áreket etý kezinde áýe shabýylyna qarsy qorǵanys áskerleriniń jaýyngerlik rettiligin arttyrý maqsatynda ótkizilip otyr. Jattyǵý barysynda jaýyngerlik eseptoptardyń tájirıbelik daǵdylary men kásibı sheberlikteri artty.
– Búgingi oqý-jattyǵýda Áýe qorǵanysy kúshteriniń jeke quramy jaýyngerlik tapsyrmany tolyǵymen oryndady, zenıtti-zymyran kesheninen atý joǵary sapamen júrgizildi, – dep atap ótti Qorǵanys mınıstri Ádilbek Jaqsybekov.
Qyrkúıek aıynyń ekinshi jartysynda «О́zara is-qımyl-2013» birlesken oqý-jattyǵýyn ótkizý josparlanyp otyrǵanyn aıta ketý kerek. Oǵan Áýe qorǵanysy kúshteri men Qurlyq áskerleriniń jeke quramy qatysatyn bolady.
«Egemen-aqparat».
