Ol 1948 jyldyń 3 qarashasynda Qarqaraly aýdanyndaǵy qazirgi Martbek Mamyraev atyndaǵy aýylda týǵan. Eńbek jolyn 1966 jyly týǵan aýylynda qarapaıym jumysker bolyp bastady, qoı baǵyp, shopannyń kómekshisi boldy. Keıin mehanızatorlar kýrsyn bitirip, «MTZ», «T-4» traktorlaryn júrgizdi. Qazaq qyzdarynyń arasynda «K-700» alyp traktoryn alǵashqy bolyp tizgindegenderdiń biri.
Eńbekte ozat bolǵan ol 1972 jyly Lenın ordenimen marapattaldy. BLKJO-nyń, Qazaqstan LKJO-nyń sezderine delegat bolyp qatysyp, birneshe ret aýdandyq, oblystyq keńestiń, al 1975 jyly QazKSR Joǵarǵy Keńesiniń depýtaty bolyp saılandy.
Aýyl sharýashylyǵy salasyndaǵy uzaq jylǵy eńbegi 1982 jyly memleket tarapynan joǵary baǵalanyp, Sosıalıstik Eńbek Eri atandy. Omyraýynda ekinshi Lenın ordeni men «Oraq pen Balǵa» Altyn Juldyzy jarqyrady.
Nurbaqyt Qabdykárimqyzynyń qazasyna oraı oblys ákimi Jeńis Qasymbek marqumnyń otbasyna, týǵan-týystaryna kóńil aıtty.
