«Lovol 604» modıfıkasııalanǵan modeliniń alǵashqy toptamasy qala kóshelerine dezınfeksııa jumystaryn júrgizý úshin aımaqtaǵy «ABZ plıýs» kompanııasyna jetkizildi.
«Lovol» traktorlary - túrli aspaly, jartylaı aspaly jáne tirkeme jabdyqpen jabdyqtalady, osylaısha olar aýyl jáne kommýnaldyq sharýashylyq salasynda, qurylysta jáne basqa da baǵyttarda tıimdi paıdalanylady.
Atalmysh traktorlardyń mańyzdy erekshelikteriniń biri eýropalyq dızaınindegi jylytý jáne kondısıoneri bar úshinshi býyn kabınasy. Sonymen qatar traktor gıdronasospen jáne qýaty ulǵaıtylǵan qozǵaltqyshpen jabdyqtalǵan. Esterińizge sala keteıik, 35-ten 130 a.k. deıingi «Lovol» traktorlarynyń jıyny Qostanaıda ótken jyldan beri shyǵaryla bastady. Otandyq óndirýshi «Agromashholdıng KZ» traktorlaryn «BRK-lızıng» AQ, «QazAgroQarjy» AQ jáne «Agrarlyq nesıe korporasııasy»AQ arqyly satyp alýǵa bolady.
«AgromashHoldıng KZ» AQ - Qazaqstandaǵy «ESSIL» markaly astyq jınaıtyn kombaındardy, LOVOL traktoryn, keń assortımenttegi qosymsha ónimderdi óndiretin jalǵyz ónerkásiptik kásiporyn, sonymen qatar Qazaqstan aýmaǵynda «Gomselmash» AAQ ónimderiniń eksklıýzıvti dıstrıbıýtory bolyp tabylady.
Sonymen qatar kásiporyn qoldanystaǵy óndiristi jańǵyrtý, shyǵarylatyn ónim jelisin keńeıtý boıynsha únemi belsendi jumys júrgizedi.
Kompanııa elimizdiń barlyq astyq egetin óńirlerinde 8 fılıaly men 11 ókildikti qamtıtyn iri qyzmettik-ótkizý jelisine ıe. Kásiporynda aýyl sharýashylyǵy tehnıkasyn júzege asyrý, sondaı-aq servıstik qyzmet kórsetý salasynda úlken jumys ótili bar 150 joǵary bilikti maman eńbek etedi.
