EL YQYLASYNA RIZA

Qyzylaǵashtaǵy jaǵdaı bir­tindep ornyǵyp, úlken-kishi es jı­yp, etek-jeńin jınap, áste kóktemgi qat-qabat tirshilik qamyna kirisken. Beısenbi kúni oblys ákimi Serik Úmbetov tótenshe jaǵdaı­lar saldaryn joıý sharalarymen jete tanysyp, jedel shtabtyń jıynyn ótkizdi. О́zen jaǵasyndaǵy 200 palat­kadan turatyn qalashyqta da qar­balastyq. Úlkenderdiń tirshi­liginen beıhabar búldirshinder oıyn qy­zy­ǵyna túsken. Búgin aýylǵa oralǵan turǵyndar qatary 2057-ge jetipti. Jańalyq sý júıesi tartylyp, uń­ǵyma arqyly 100 metr tereńdikten taza sý shyǵarylyp, kóshe boı­laryndaǵy kolonkalarda taza sý móldirep aǵyp tur. Halyqqa degen qaıyrym­dylyq sharalary jalǵasýda. Osy kúni Oń­tústik Koreıadan kelgen delegasııa turǵyndarǵa aqshalaı kómekterin taratty. Aýyldyń batysynda jańa kóshe boı kóterip, shatyry ja­byl­ǵan úıdiń ishi-syrty syla­nyp, esigi qoıylsa bir otbasy qýa­nyshqa keneletin boldy. “Almaty qala qurylysy” AQ “Jańa” kóshege 32 úı turǵyzýdy mindettense, qazirdiń ózinde 8 úıdiń qabyrǵasy, alty úıdiń ir­­­­­­getasy qalanyp, ishine sý qubyry tartylypty. Keıin úıler birdeı qorshalyp, aınalasy abattan­dy­rylyp, aýyl sáýlettene túsetini anyq. Tasqynnan keıingi qýanysh Taldyqorǵandaǵy perzenthanada 6 sábı dúnıe esigin ashypty. Jańa urpaqtyń ókiline qurmet kórse­tilip, oblys basshylyǵy ana men náresteni quttyqtap, syılyq­ta­ryn tapsyryp, qutty bolsyn aıt­qanyn da jurt jyly qabyldaýda. Qyzylaǵashtyqtarǵa áleýmet­tik-turmystyq kómek kórsetý jó­nindegi komıssııa tóraǵasy  Á.Ju­mageldın kómek kerýeni tolas­t­a­maǵanyn, osy kúnge 36 mln. teń­geniń áleýmettik kómegi jetki­zi­lse, onyń 30 mln. teńgesi kıim-keshek, azyq-túlik turǵyndarǵa taratyl­ǵanyn jetkizdi. Qyzylaǵash aýylynda tarıh­tyń jańa beti ashylyp, qıyn­dyq­ty jeńgender kógildir kóktemniń shýa­ǵynan nár, aǵaıynnyń qoldaýynan kúsh alǵan. Kúmisjan BAIJAN. Almaty oblysy.