«Zań jobasyn baǵalaý kezinde ne mańyzdy? Eki sátti bólýge bolady. Birinshiden, talqylaý prosesine qoǵamdyq uıymdar men qaıratkerlerdi keńinen tartýdy kózdeıtin ony ázirleý rásimi. Ekinshiden, Zań qoldanysyna túsetin buqaralyq is-sharalardy daıyndaý jáne ótkizý prosesinde atqarýshy bıliktiń rólin túbegeıli basqasha túsiný. О́tken jyldyń jaz-kúz aılarynda qoǵamdyq pikirlerde memlekettiń qoǵam ustanymyn tyńdap, shynymen de jańa qujatty jasaı alatyny týraly synı pikirler aıtylatyny bárimizge belgili. Biraq búgin biz kópshilik aıtqan usynystardyń eshqaısysy nazardan tys jáne talqylanbaı qalmaǵanyn kórip otyrmyz. Máselen, zań jobasyn jasaý úderisinde úkimettik emes quqyq qorǵaý uıymdary qatysty. Dál solar usynǵan Zań jobasynyń redaksııasy Senatta talqylanatyn qujattyń negizine kirdi. Sarapshylar men qoǵamdyq keńesterdiń ókilderi óz pikirlerin bildirdi. Jańa zańdy ázirleý prosesinde Ulttyq qoǵamdyq senim keńesi erekshe ról atqardy. Ázirleý jumystarynyń sońynda zań jobasynyń mátinimen azamattardy tanystyrý jáne olardyń usynystaryn jınaý úshin «Ashyq NQA» portalyna júkteldi», dedi Zarema Sháýkenova.
Onyń aıtýynsha, kóp deńgeıli talqylaýdyń nátıjesinde zań jobasynyń mátininde rásimderdiń odan ári yryqtandyrylýyna baǵyttalǵan erejelerdiń ózgerýi oryn alǵan. Máselen, eskertý qaǵıdatyna sáıkes ótetin mıtıngke qatysýshylardyń sanyna qatysty kvota alynyp tastalǵan-dy.
«Qatysýshylar sanyn qalaı sanaý kerek? Eger bastapqyda josparlanǵan qatysýshylar sany is-shara barysynda kóbeıse, ne isteý kerek? Bıliktiń sheshimi boıynsha mıtıngtiń toqtatylýy úshin qatysýshylar sany qanshalyqty asyp ketýi kerek? Kvotanyń kólemi - 250 qatysýshyǵa baılanysty jeke suraqtar týyndady. Búgin biz mıtıngterge qatysýshylardyń sanyn shekteý týraly másele zań jobasynyń mátininen alynyp tastalǵanyn kórip otyrmyz. Mıtıng ótkizýge ótinish berý rásimderi edáýir jeńildetildi jáne ásirese mańyzdy bolyp tabylatyn josparlanǵan is-sharalar týraly eskertý jáne atqarýshy bılik organdarynyń ótinimdi qaraý merzimderi aıtarlyqtaı qysqardy. Osylaısha eskertý merzimderi 15 kúnnen 5 kúnge deıin, onyń ishinde atqarýshy bılik jaýap qaıtarý habarlama 10 kúnnen 3 kúnge qysqartyldy», dedi ol.
Aıta keteıik, 2019 jyldyń maýsym aıynyń ortasynda Memleket basshysy jıyndardy, mıtıngilerdi, demonstrasııalardy ótkizý rásimin jańa zańnamalyq resimdeý qajet etetindigine nazar aýdardy. Prezıdent tapsyrma bergennen keıin, jańa zań jobasy Senatta qarastyrylýda.
