Ol aldymen karantındik rejimniń uzartylatynyn jáne keıbir talaptar burynǵydan da qataıtylatynyn eske saldy. Sonyń ishinde karantın aımaqtaryna ený nemese shyǵý túngi saǵat 00.00-den bastap múlde toqtatylatynyn aıtty. Buryn mundaı tártip oblys jáne aýdan ortalyqtaryna qatysty ǵana bolsa, endi barlyq aımaqqa osyndaı rejim ornatylatyn bolypty. Árıne, adam janyn arashalaýǵa baılanysty qozǵalǵan, sonymen qatar tranzıttik kólikter burynǵysha júre beredi. Odan ári R.Álishev adamdardyń ómir súrýine asa qajetti ónimder shyǵaratyn kásiporyndardyń tizimi jasalyp, tek solar ǵana qalypty jumys isteıtinin aıtty. Árıne, memlekettik organdar, densaýlyq saqtaý oryndary men dárihanalar da jumystaryn toqtatpaıdy.
R.Álishevtiń aıtýyna qaraǵanda keshe Soltústik Qazaqstanda taǵy bir adamnan jaman indettiń izderi tabylǵan. Ol Reseı Federasııasynda vahtalyq jumys isteıtin Mamlıýtka qalasynyń turǵyny eken. Qazir ol ınfeksııalyq stasıonarǵa jatqyzylǵan.
Soltústiktegi jaǵymdy jańalyqty Rýslan Qanathanuly óziniń sóziniń sońyna qaldyrǵan eken. Onyń aıtýyna qaraǵanda óńirde osy naýqaspen aýrýhanaǵa túskenderdiń 86 paıyzy, ıaǵnı 25 adam syrqatynan aıyqqan. Sonyń ishinde búgin de 7 adam aıyǵyp, aýrýhanadan shyǵarylypty. Qazir ınfeksııalyq stasıonarda tórt adam ǵana em alyp jatyr eken. Osyǵan qaraǵanda Soltústiktiń aq halattylary abzal jandary óz eńbekterine jaýapkershilikpen qaraǵan. Olardyń eńbekterine qandaı maqtaý aıtsa da turarlyq.
Soltústik Qazaqstan oblysy
