Onlaın trenıngte Shyńjań okrýgindegi dostyq gospıtaliniń aǵa medbıkesi Iý Iаnsıa ınfeksııalyq stasıonardy zararasyzdandyrý tásilderimen bólisti.
«Oqshaýlaýdyń basty sharty - «1 naýqas – 1 palata». Biz aýrýhanalardy 3 tıpke bóldik. Jasyl - taza aımaq, sary - jartylaı taza aımaq, qyzyl - juqtyrý aımaǵy. Bul aımaqtardyń árqaısysyn ózinshe tazalaıtynbyz. Orta eseppen kúnine 2 ret zararsyzdandyratynbyz. Aýany, qabyrǵalardy, eden men qural-jabdyqtardy dezınfeksııaladyq. Tolyq zararsyzdandyrýǵa 30 mınýt ýaqyt ketedi. Dezınfeksııadan shyqqan soń barlyq materıaldar joıylady», dedi aǵa medbıke Iý Iаnsıa.
Sondaı-aq ol qorǵanys kostıýmderin kııý, maska taǵý, qoldy qalaı jýý kerektigin kórsetti.
О́z kezeginde S.Asfendııarov atyndaǵy Qazaq Ulttyq medısınalyq ýnıversıtetiniń rektory Talǵat Nurǵojın Qytaıdan kelgen dárigerlerge alǵys bildirdi.
«Eń aldymen osyndaı kezdesý týraly ýaǵdalastyqqa qol jetkizgen Memleket basshysy Qasym-Jomart Toqaevqa alǵys aıtamyn. Buryn-sońdy kórmegen ınfeksııamen kúreste bul mamandardyń kelýi bizdiń mindetterimizdi aıqyndady. Eń aldymen medısına mamandary bul vırýspen kúresýde bilimin keńeıtkeni jón. Sabaqqa qatysqan dárigerlerdiń saýaly óte kóp. Qytaı bul vırýsty az ýaqytta toqtata bildi. Sondyqtan olardyń tájirıbesi, bilimi biz úshin mańyzdy», dedi S.Asfendııarov atyndaǵy Qazaq Ulttyq medısınalyq ýnıversıtetiniń rektory Talǵat Nurǵojın.
Aıta keteıik, qytaılyq dárigerlerdiń koronavırýs týraly onlaın sabaǵyna qatysý - tegin. Bul sabaqtar tek qazaqstandyq qana emes, sheteldik mamandardyń da qyzyǵýshylyǵyn týdyrýda. Búgin semınarǵa О́zbekstannan Samarqan men Buharanyń dárigerleri de qatysty.
Eske sala keteıik, búgin Almatyǵa Qytaıdan 10 maman koronavırýspen kúres týraly bilimimen bólisýge keldi. Delegasııa quramynda ınfeksıonıst, epıdemıolog, pýlmonolog syndy mamandar bar.
