Ǵylymda da, óndiris salasynda bolsyn sózdik qorymyzǵa kirgen jáne jıi qoldanylatyn sóz «ınnovasııa» bolyp tur. Sánge aınalǵan osy sózdiń adamzat balasyna tıgizetin shyn septigin biletin birden bir sala bolsa onda ol – taý-ken óndirisi. Qazirgi tańda tabıǵat bergen en baılyqty basa-kóktep qaza bermeı, ony tıimdi paıdalaný, tehnologııalardy jeńildirý arqyly jumysty jeńildetip, óndiriste bola beretin qaýip-qaterdi azaıtý álemdegi barsha óndirýshi kompanııalar úshin ózekti másele. Sonyń ishinde «jasyl» ekonomıka qurý eń kókeıkesti saýaldar qatarynda.
Ǵylymda da, óndiris salasynda bolsyn sózdik qorymyzǵa kirgen jáne jıi qoldanylatyn sóz «ınnovasııa» bolyp tur. Sánge aınalǵan osy sózdiń adamzat balasyna tıgizetin shyn septigin biletin birden bir sala bolsa onda ol – taý-ken óndirisi. Qazirgi tańda tabıǵat bergen en baılyqty basa-kóktep qaza bermeı, ony tıimdi paıdalaný, tehnologııalardy jeńildirý arqyly jumysty jeńildetip, óndiriste bola beretin qaýip-qaterdi azaıtý álemdegi barsha óndirýshi kompanııalar úshin ózekti másele. Sonyń ishinde «jasyl» ekonomıka qurý eń kókeıkesti saýaldar qatarynda.
Endeshe, bul kúnderi taý-ken óndirisi salasyn zertteıtin alys-jaqyn memleketterden kelgen mamandar men ǵalymdar Almatyda ótken «Geotehnologııa-2013: taý-ken óndirisiniń túıtkildi máseleleri men ınnovasııalyq damý joldary» atty VI Halyqaralyq ǵylymı-tájirıbelik konferensııasynda toqaılasty.
Árıne, bul konferensııa uzyn-sonar baıandamalar men eshkimge keregi joq esepterden turatyn kezekshi jıyn emes. Ýaqytty baǵalaı biletin isker orta ókilderi plenarlyq otyrystarda bolsyn jáne seksııalarda da osy salanyń naqty máseleleri, qordalanǵan saýaldary men usynystaryn jetkizýge, zertteý nátıjelerin jarııa etýge múmkindik aldy.
Eger búgingi tańda aýany lastaıtyn úsh sala bolsa, sonyń biri osy – taý-ken óndirisi sektory. Sondyqtan qorshaǵan ortaǵa kesirin tıgizbeýdi kózdeıtin kompanııalar ǵalymdardyń osy máselege qatysty ınnovasııalyq usynystaryn qýana qabyl alady. Onyń ústine elimiz taý-ken óndirisi salasyna qatysty halyqaralyq jıyndy uıymdastyrýshy ǵana emes, úzdik izdenisterdi qoldaýshy men qoldanýshy da ekendigin aıtý lázim.
Máselen, osy konferensııany uıymdastyrýshylar bastapqyda-aq eki kúndik jıynda tusaýy kesilgen eń úzdik baıandamalardy, ınnovasııalyq ıdeıalardy arnaýly dıplommen, baǵaly syılyqtarmen atap ótetindigin málimdegen edi.
Osy arada bıylǵy sharanyń basty uıymdastyrýshysy «Qazaqmys» toby ekendigin aıta ketelik. Eger Qazaqstan taý-ken óndirisi boıynsha álemdegi úzdik ondyq qataryna kiretin bolsa, bul jerde «Qazaqmystyń» atyn attap óte almaısyz. Dúnıejúzindegi mys óndirýdegi kóshbasshy kompanııalardyń qatarynda júretin «Qazaqmys» taý-ken óndirisi salasyndaǵy jańa tehnologııalardy damytýǵa da qoldanýǵa múddeli ekendigi aıan.
Osyǵan oraı konferensııanyń alǵashqy kúni «Qazaqmys» tobynyń basshylyǵy búginde taý-ken óndirisi salasy, sonyń ishinde kompanııanyń ózi úshin de basymdyq berilýi tıis baǵyttardy aıqyndady. Máselen, qazir «Qazaqmys» toby úshin Jezqazǵanda qalyptasqan geomehanıkalyq máselelerdi eńserý qajet. Jyljyp ketken jynystardy, opyrylǵan aımaqtardy óńdeý úshin eń usynyqty ıdeıalar, jańa zertteýler men kókeıge qonatyn negizdemeler óte qajet. Osy máselede júrgizilip jatqan zertteýler men turaqsyz aımaqtardaǵy kameraaralyq selıkterdi qaıta ıgerý tehnologııasyn qurý qajettigi kórinýde. Qordalanǵan máselede ınnovasııalyq tehnologııalardy aınalyp óte almaıtynyn «Qazaqmys» toby aıqyn túısinedi. О́ndiristi sandyq tehnologııalarmen qamtamasyz etip, spýtnıktik baqylaýmen aınalysatyn, ınnovasııalyq jańalyqtardy qoldanysqa engizetin kompanııalarmen, ǵalymdarmen áriptestikke barmaı bolmaıtyndyǵyn álmısaqtan biletin kompanııa jetekshileri mysal retinde Jezqazǵandaǵy biregeı ken orny men Jomart ken orny qorlaryn qosymsha óńdeý tásilderine toqtaldy.
Bir jaǵynan ǵylymı áleýetimizdi baǵamdaýdy maqsat tutatyn halyqaralyq konferensııa barysynda «Qazaqmystyń» taý-ken óńdeý kesheniniń bas dırektory Baqtııar Qryqpyshev:
– Biz kompanııa kásiporyndarynyń qyzmeti barysynda týyndaıtyn asa kúrdeli geotehnıkalyq máselelerdi sheshý úshin bar kúshimizdi salyp kelemiz. Paıdaly qazbalardy
