Ekonomıka • 22 Sáýir, 2020

Tótenshe jaǵdaıǵa baılanysty jańa salyq jeńildikteri engizildi

64 ret kórsetildi

«Salyq salý máseleleri boıynsha ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 16 naýryzdaǵy jarlyǵyn iske asyrý boıynsha odan arǵy sharalar týraly» Qazaqstan Úkimetiniń 20 sáýirdegi qaýlysy arqyly kezekti salyqtyq yntalandyrýlar toptamasy kózdelýde. Bul týraly Ulttyq ekonomıka mınıstrliginiń baspasóz qyzmeti habarlady.

Birinshiden, Memleket basshysynyń 2020 jylǵy 31 naýryzdaǵy málimdemesinde aıtylǵan tapsyrmalardy oryndaý úshin bıylǵy 1 sáýirden 1 qazanǵa deıin ekonomıkanyń kóp zardap shekken salalaryndaǵy shaǵyn jáne orta bıznes sýbektileri salyqtan jáne eńbekaqy tóleý qorynan alynatyn áleýmettik tólemderden (jeke tabys salyǵy, áleýmettik salyq, mindetti zeınetaqy jarnalary, mindetti medısınalyq saqtandyrý jáne áleýmettik aýdarymdar) bosatyldy.

Saýda, qoǵamdyq tamaqtandyrý, qonaq úı nysandary, kólik jáne konsýltasııalyq qyzmet kórsetý jáne IT salasyn qosqandaǵy qyzmet túrleriniń tolyq tizimi osy qaýlynyń 1 qosymshasyna sáıkes bekitilgen. Budan basqa bıylǵy 1 sáýirden 1 shildege deıin jekelegen iri kásipkerlik sýbektileri jeńildikterdi qoldaný úshin zardap shekken salalar boıynsha qyzmet túrleriniń tizbesi anyqtaldy.

Ekinshiden, áýe qatynasy salasynda ınfraqurylymdy qoldaý jáne jumys ornyn saqtaý maqsatynda ushýlar toqtatylǵan kezeńde yntalandyrý sharalary qabyldandy: barlyq áýejaılar 1 sáýirden 1 qazanǵa deıin múlik salyǵynan bosatylyp, jyl sońyna deıin áýe kemelerine tehnıkalyq qyzmet kórsetý jáne lızıngtik mámilelerdi zańdyq súıemeldeý boıynsha beırezıdentter úshin qosylǵan qun salyǵyn tóleý uzartyldy.

Úshinshiden, osy jyldyń 1 qazanyna deıin jeke praktıkamen aınalysatyn tulǵalar (notarıýstar, advokattar, sot oryndaýshylar, medıatorlar) múlik salyǵynan bosatyldy. Budan buryn iri saýda nysandary, saýda oıyn-saýyq ortalyqtary, kınozaldar, teatrlar, kórmeler, sporttyq nysandar, sondaı-aq qoǵamdyq tamaqtandyrý, qonaq úı, týrıstik qyzmet nysandary jyldyń sońyna deıin múlik salyǵynan bosatylǵan bolatyn.

Tórtinshiden, indetke qarsy is-sharalarǵa jumyldyrylǵan jumyskerler barlyq salyq túrlerinen jáne eńbekaqy tóleý qorynyń áleýmettik tólemderinen bosatyldy.

Besinshiden, salyq tóleýshilerge qolaıly bolý úshin 2019 jylǵy salyqtyq mindettemeler esebi nysanyn tapsyrý merzimi 2020 jylǵy 31 naýryzdan 2020 jylǵy 31 mamyrǵa aýystyryldy.

Sońǵy jańalyqtar

Ult tarıhyndaǵy uly tulǵa

Pikir • Búgin, 07:18

Qazaqqa qandaı qasıetter qajet?

Abaı • Búgin, 07:15

Aýyl damymaı, memleket damymaıdy

Parlament • Búgin, 07:13

Huawei óndirisi kedergige ushyrady

Álem • Búgin, 07:09

Nıgerııa kóshelerindegi sherý

Álem • Búgin, 07:05

Jol apaty nege kóp?

Qoǵam • Búgin, 07:01

Qatygez bala qaıdan shyǵady?

Qoǵam • Búgin, 06:58

Qashaǵannyń gazyn tutynatyn kez keldi

Ekonomıka • Búgin, 06:56

Kollektorlyq qyzmet kerek pe?

Qarjy • Búgin, 06:53

Joshy ulysy

Tanym • Búgin, 06:43

Ádil tórelik, tıimdi sot júıesi qajet

Prezıdent • Búgin, 06:40

Oısylqara áýlıe kesheni qorǵaýǵa alyndy

Rýhanııat • 24 Qazan, 2020

Atyraýda 9 balany ıt talady

Aımaqtar • 24 Qazan, 2020

Nur-Sultanda jańa saıabaq ashyldy

Qoǵam • 24 Qazan, 2020

Atyraýda 8 adamnan koronavırýs anyqtaldy

Aımaqtar • 24 Qazan, 2020

Taraz qalasynda gaz qubyry jaryldy

Aımaqtar • 23 Qazan, 2020

Uqsas jańalyqtar