Mereıtoı qushaǵyndaǵy Aqtaýda «Juldyzdy on kún» bastaldy. Qaıyrymdylyq pen meıirimdilikti, salaýattylyqty, án-jyrdy, poezııa keshin, túrli jármeńkeler men aksııalardy, jıyndardy, kórmeler men ǵylymı-tanymdyq sharalardy tizbektegen on kún qaıyrymdylyq sharasymen bastaldy.
Mereıtoı qushaǵyndaǵy Aqtaýda «Juldyzdy on kún» bastaldy. Qaıyrymdylyq pen meıirimdilikti, salaýattylyqty, án-jyrdy, poezııa keshin, túrli jármeńkeler men aksııalardy, jıyndardy, kórmeler men ǵylymı-tanymdyq sharalardy tizbektegen on kún qaıyrymdylyq sharasymen bastaldy.
Bul kúni qaladaǵy jalǵyzilikti qarttar men múmkindigi shekteýli balalar qolynan shyqqan dúnıeler kórmesi uıymdastyryldy. Árqaısysy taǵdyrdyń ártúrli taýqymetine tap kelgenmen, ózinshe oılaý, dúnıeni taný, óner álemimen syrlasý múmkindigi bar olar óz qabiletin syrly boıaýǵa, áshekeıli buıymdarǵa, qoldan ósirilgen alýan gúlderge jumsapty.
Sharany uıymdastyrýshy Aqtaý qalalyq áleýmettik qyzmet kórsetý ortalyǵynyń dırektory K.Aıtbatyrovanyń aıtýynsha, ortalyqtyń 8 bólimshesinde jalǵyzilikti 640 qart, aqyl-esi kem, qımyl-tirek organdary jumys istemeıtinderge arnalǵan 2 bólimshede 162 bala esepte turady eken. Jasanǵan kórmedegi buıymdar – osy jandardyń qolynan shyqqan týyndylary. Oblys pen qalanyń mereıtoıyna arnap, ári saýda-sattyqtan túsken qarjy ortalyqqa, óner ıelerine materıaldyq kómek bolsyn degen maqsatta uıymdastyrylǵan kórmeni tamashalaýshylar az bolǵan joq.
– Úıde otyrǵan múmkindigi shekteýli jandardyń ortadan oqshaýlanyp qalmaı, ónermen jaqyn bolýy qýantady. Olardyń árbir eńbegi – erlik, al erlik baǵalanýy tıis. Sondyqtan, olardyń kórme-jármeńkesin tek qala mereıtoıy qarsańynda ǵana emes, aldaǵy ýaqytta turaqty ótkizip, týyndylardy tutynýshylardyń satyp alýyna múmkindik jasaımyz, deıdi Aqtaý qalasy ákiminiń orynbasary Rahat Eltızarov.
Gúlaıym ShYNTEMIRQYZY,
«Egemen Qazaqstan».
AQTAÝ.
