«Búginde Qazaqstanda 250 myńǵa jýyq medqyzmetker jumys istep jatyr. Onyń ishinde 72 myń dárigerler, 177 myń orta medqyzmetkerler, 8755 epıdemıologtar, 2500 orta sanıtarlyq dárigerler bar», dedi Aıjan Esmaǵambetova.
Onyń aıtýynsha, elimizde koronavırýs ınfeksııasymen kúreste 16 myń medqyzmetker jumys isteýde.
«Jergilikti jerlerde kadrlyq rezervter jasaqtalǵan. Qazir medqyzmetkerlerdiń jetispeýshiligi joq. Desek te koronavırýs ınfeksııasyn anyqtaıtyn epıdemıolog mamandardyń jetispeýshiligi baıqalady. Qosymsha 800 epıdemıolog dárigerler qajet etiledi», dedi ol.
