Kompanııanyń áleýmettik jaýapkershiligi de joǵary. Qaıyrymdylyq sharasyna jıi qatysyp júr.Juqpaly indet habary shyqqaly beri seriktestik turǵyndardy qoldaýǵa belsene kiristi. Máselen, sońǵy aılarda medısınalyq maskamen qamtý isin qolǵa alǵan. Buǵan deıin koronavırýspen kúres sharalary úshin Qazaqstanǵa jalpy sany 220 myń danadan astam bir rettik paıdalanatyn medısınalyq maska tegin berildi. Al keshe «Jetisý volframy» Qytaıdaǵy bıznes-seriktesterimen birge gýmanıtarlyq kómek retinde Almaty oblysynyń ákimdigine 60 myń dana betperde tapsyrdy.
«Jetisý Volframy» JShS atqarýshy dırektory Nazar Terlyga medısınalyq maskany jetkizý Qazaqstan Respýblıkasynyń Syrtqy ister jáne Densaýlyq saqtaý mınıstrlikteriniń, sol sııaqty Qyzyl jarty aı qoǵamynyń tikeleı qoldaýymen júzege asyrylǵanyn aıtty:
- Koronavırýs ınfeksııasynyń taralýyna baılanysty qazirgi qıyn jaǵdaıda biz áleýmettik jaýapkershiliktiń eń joǵarǵy prınsıpterin berik ustanamyz. «Jetisý Volframy» JShS óziniń strategııalyq seriktesteriniń biri «Jiangxi Cooper Corporation» korporasııasymen birge Qazaqstannyń Qyzyl jarty aı jedel qyzmeti arqyly zor kómek kórsetýde. Gýmanıtarlyq kómek kórsetý - jalpy jumysymyzdyń eń mańyzdy bólii, - deıdi «Jiaxin International Resources Investment Co.Ltd» korporasııasynyń vıse-prezıdenti, «Jetisý Volframy» JShS atqarýshy dırektory Nazar Terlyga.
