- Meniń kitap oqýǵa degen qyzyǵýshylyǵym bastaýysh synypta, muǵalimniń mátindi jyldam oqýǵa baýlyǵan kezden bastaldy. Basynda úzdik oqý úshin shyǵarmany túgel oqyp alatynmyn. Sosyn mazmunyna qyzyǵyp, izdenetin boldym. Kitappen dos bolǵan saıyn qyzyq ta qupııa álemge ene berdim. Kórkem shyǵarma til úırenýime de kómektesti. Birde Lev Tolstoıdyń «Jaqsy kitap oqý – aqyldy adammen áńgimeleskenmen teń» degen naqyl sózin oqydym da, eń kerek kitaptardy iriktep, tańdaýǵa kóshtim. Álemdegi bestselerdi túpnusqada oqý qyzyqty. Qazir avstralııa jazýshysy Markýs Zýsakanyń «The Book Thief» atty kitabyn oqyp jatyrmyn. Bul shyǵarmada Lızel degen kishkentaı qyzdyń soǵys kezindegi taǵdyry baıandalady. Ol qandaı qıyndyq kórse de kitap oqýǵa qushtar ádetinen aınymaı, qajet kitabyn tabý úshin túrli áreket jasaıdy. «Kitap urlaǵan qylmysqa jatpaıdy» degen ázildiń mánin osy shyǵarmany oqyǵan adam túsinedi, - deıdi Arýjan.
Aıtpaqshy, Arýjan jyldam oqýdan da aldyna jan salmaıdy eken. Máselen, 16 jasqa deıingi jasóspirimderge bir mınýtta 200 sóz oqý tán bolsa, Arýjan bul ýaqyt ishinde 1500 sózge deıin oqyp úlgeredi eken. Jáne kitarqumar qyz ózi de shyǵarmashylyqqa bet burypty. Talapkerdi fentezı janry qyzyqtyrady. «Pecularis» degen ataýmen oryssha áńgime jazdy. Jasóspirimder arasyndaǵy dostyq, mahabbat sezimin arqaý etken jańa shyǵarmasyn aǵylshyn tilinde bastady. Al qazaqsha detektıv jazýdy oılap júr.
