Keshe Astana mańyndaǵy «Qazanat» atshabarynda kókpardan ótip jatqan Azııa chempıonaty odan ári jalǵasty.
Keshe Astana mańyndaǵy «Qazanat» atshabarynda kókpardan ótip jatqan Azııa chempıonaty odan ári jalǵasty.
Osy kúni apta basynan bergi elordanyń túnergen aspany ashylyp, halyq kókpar tartqan jigitterdiń ónerin tamashalaýǵa kóp jınaldy.
Qazirgi tańda osy ulttyq oıynymyzdy halyq arasynda keńinen nasıhattaý, salamatty ómir saltyn qalyptastyrý jáne oıynnyń tehnıkasy men sheberligin meńgerýge jastarymyzdyń qyzyǵýshylyǵyn oıatý asa mańyzdy bolyp otyr. Osy oraıda elimizde halyqaralyq, respýblıkalyq jarystardy uıymdastyryp kele jatqan Ulttyq sport túrleri qaýymdastyǵynyń jumysy men qyzmetin erekshe atap ótkenimiz jón. Ulttyq sport túrlerinen mundaı halyqaralyq jarystar ótkizýdiń basty maqsaty – qazaqtyń baı rýhanı murasyn jańǵyrtý jáne nasıhattaý.
Keshe Azııa chempıonatynyń ekinshi kúni de qyzyqty jáne tartysty ótti. Sary qurlyq básekesiniń favorıtteri – Qazaqstan men Qyrǵyzstan quramalary kópshilik kútkendeı, kezekti oıyndarynda jeńiske jetti. Qazaqstan quramasy Reseı komandasyn 16:1 esebimen, al Alataýdyń ar jaǵynan kelgen aıyrqalpaqty aǵaıyndar Túrkııany 16:3 esebimen utty. Osy kúni Tájikstan quramasy da alǵashqy upaılaryn sanap aldy. Olar Mońǵolııa kókparshylaryn 8:1 esebimen jeńse, alǵashqy upaılaryna ıe bolǵan Qytaı komandasy da О́zbekstannan 6:4 esebimen basym tústi.
Búgin oıyndar odan ári jalǵasady. Al erteń chempıonattyń jartylaı fınaly ótse, jeksenbi kúni komandalar ózara Azııa chempıonyn anyqtaıdy.
Dastan KENJALIN,
«Egemen Qazaqstan».
