Kýrsanttardyń batyl áreketi

Mundaı jaǵdaıǵa jaqynda Alma­ty qalasynda patrýldeýge qa­tysatyn Radıoelektronıka jáne baılanys əskerı-ınje­ner­lik ınstıtýtynyń kýrsanttary tap boldy. Olar Tóle bı – Saın kó­she­sinen  qolynda granatasy bar er adamdy ustady.

Kýrsanttardyń aıtýynsha, bir jigit eki belgisiz er adamdy kór­setip, olardyń qolynda ja­ryl­ǵysh qol granatasy bar ekenin aıt­qan.

«Olardyń biriniń qaltasynda zat boldy. Kenetten ol əlgi zatty alyp, jerge laqtyrdy. Men gra­na­tanyń korpýsyn baıqadym», – deı­di kýrsanttardyń biri Ersultan Bolat.

Oqıǵa ornynda ustalǵandar polısııaǵa tapsyrylyp, granata alynyp, saraptamaǵa jiberildi. Keıin anyqtalǵandaı, olardyń bireýi buryn urlyq jáne tonaý əreketteri úshin sottalǵan eken. Jarylǵysh zat qaıdan alynyp, sondaı-aq paıdalanýǵa ne úshin josparlanǵanyn quqyq qorǵaý organdary anyqtaıtyn bolady.

Qurlyq áskerleri əskerı ıns­tıtýtynyń 4-kýrs kýrsanty Meırambek Naısekenov Almaty qala­sy men oblys shekarasyndaǵy kó­pirden ózenge sekirip, ózine qol jumsamaq bolǵan qyzdy qutqardy. Qarańǵyda kópirdiń artynda turǵan boıjetkenniń beınesin kórgen Meırambek oǵan kómekke júgirgen. Ol birden qyz­dyń  qolynan ustap, kópirdiń súıe­nishi arqyly joǵary tartyp alyp, qaýipsiz jerge jetkizgen.

Bolǵan oqıǵa týraly áskerı qyzmetshi rasııa boıynsha blok-beket basshylyǵyna baıandap, polısııa kelgenge deıin boıjetkenge psıhologııalyq qoldaý kór­­setýge tyrysqan. Belgili bol­­ǵandaı, ol óziniń jigitimen araz­­dasýyna baılanysty osyndaı qadamǵa barǵan kórinedi. Quqyq qorǵaý organdarynyń ókil­deri kýrsanttyń batyl áre­ket­teriniń arqasynda boıjetken tiri qalǵanyn atap ótti. Meıram­bek­ke osy əreketi úshin alǵys j­a­rııa­­landy.

Aqtóbede Áýe qorǵanysy kúsh­teri əskerı ınstıtýtynyń kýr­santtary Roman О́teseıitov pen Dıas Shamenov te óz ba­tyl­dyq­ta­ryn kórsete bildi. Áskerı polısııa jasaǵynyń áskerı qyzmet­shilerimen birge patrýldeýge qatysa otyryp, ákimshilik quqyq buzýshylyq jasaǵan er adamdy ustady. Atalmysh oqıǵa Beı­bitshilik dańǵylynda oryn aldy. Ustalǵan azamatta sýyq qarý bolǵandyǵy anyqtaldy.

Áskerı oqý oryndarynyń jo­ǵary kýrs kýrsanttary pat­rýl­­deýge qatysady. Bolashaq ofı­serler tájirıbeli áskerı árip­testermen jáne quqyq qorǵaý organ­darynyń qyzmetkerlerimen bir­lese qoıylǵan mindetterdi oryn­daıdy jáne osyndaı qıyn jaǵdaılarda da azamattyqtaryn tanytady.