Birikken Ulttar Uıymynyń sońǵy jarııalaǵan reıtıngine sáıkes, qazaqstandyqtar Ortalyq Azııa aýmaǵyndaǵy elderde turatyn halyqtar arasyndaǵy eń baqýattysy bolyp shyqty.
О́tken aptada BUU mamyrajaı qalypta, baqytty jaǵdaıda ómir súrip jatqan elderdiń álemdik reıtıngin jarııalady.
Birikken Ulttar Uıymynyń sońǵy jarııalaǵan reıtıngine sáıkes, qazaqstandyqtar Ortalyq Azııa aýmaǵyndaǵy elderde turatyn halyqtar arasyndaǵy eń baqýattysy bolyp shyqty.
О́tken aptada BUU mamyrajaı qalypta, baqytty jaǵdaıda ómir súrip jatqan elderdiń álemdik reıtıngin jarııalady. Ony jasaýda árbir jeke alynǵan eldiń kútiletin ómir súrý uzaqtyǵy, ishki jalpy óniminiń jan basyna shaqqandaǵy kólemi, qoǵamdaǵy senimdilik deńgeıi, saılaý erkindigi, jemqorlyq pen jomarttyqtyń mólsheri sekildi kórsetkishter esepke alynady. Qorytyndy kórsetkish Amerıkanyń Gellap qoǵamdyq pikirler ınstıtýty 2010-2012 jyldar aralyǵynda júrgizgen saýaldama málimetteri negizinde túzilgen. Kestege barlyǵy 156 el engizilgen. Qazaqstan solardyń arasynda 57-shi bolyp tur. Al Ortalyq Azııadaǵy qalǵan memleketterdiń bári odan keıin ornalasqan. Aıtalyq, reıtıng túzýshiler Túrkimenstandy 59-shy pozısııaǵa qoısa, О́zbekstan 60-shy, Qyrǵyzstan 89-shy, al Tájikstan 125-shi bolyp keledi. Bizben kórshi jáne aralas-quralastyǵy bar birqatar qýatty elder de tómenge jaıǵasypty. Máselen, Reseı 68-shi qatarǵa qonys tepse, Túrkııa 77-shi, Qytaı 93-shi satyǵa taban tiregen.
Sondaı-aq World Happiness Report baıandamasynda Qazaqstannyń sońǵy jyldary áleýmettik ahýalynyń jaqsara túskenin aıǵaqtaıtyn kórsetkishter keltirilgen. Mundaı úrdis Tropıkalyq Afrıka jáne Latyn Amerıkasy elderinde de baıqalady eken.
Sonymen birge, ómirge qanaǵattanǵandyq dárejesi Egıpet pen AQSh-ta tómendep ketken. Al Ispanııa, Grekııa, Italııa jáne Portýgalııa elderinde tipti naǵyz statıstıkalyq quldyraýlar oryn alǵan. Bul – aımaqtarda ekonomıkalyq daǵdarystyń oryn alýy men osyǵan baılanysty tabystyń azaıyp ketýinen týyndap otyrǵan nátıje. Baıandamada aıtylǵandaı, jumyssyzdar qataryn arttyra túsýge sep bolatyn psıhıkalyq aýrýlardyń sany da kóbeıip keledi. BUU sarapshylarynyń pikirlerinshe, bul jaǵdaıdy tek tıisti aldyn alý jumystary men qoljetimdi terapııa ǵana túzeı alady. Mundaı derekter, ásirese, ındýstrııalyq jaǵynan damyǵan elderde kóbirek oryn alýda.
Soǵan qaramastan, joǵarydaǵy reıtıngide tap osyndaı joǵary damyǵan elder kósh bastaýshylyq tizgindi qoldaryna ustap otyr. Olar kesteniń eń joǵarǵy jaǵyna myna retpen ornalasqan: Danııa, Norvegııa, Nıderlandy, Shvesııa. Al kesteniń sońyn Qara kontınenttiń Togo, Benın jáne Ortalyq Afrıka Respýblıkasy sekildi memleketteri aıaqtaıdy.
Serik PIRNAZAR,
«Egemen Qazaqstan».
