Memlekettik qyzmettiń jańa modeli jáne damý keleshegi

Qazaqstan óńirdegi elder arasynda reformalar kóshbasshysy retinde tanyldy.

Halyqaralyq sarapshylar Qazaqstandaǵy júrgizilgen memlekettik qyzmet reformasyn joǵary baǵalady. «A» basqarýshylyq korpýsyn qurý jáne saıası laýazymdar sanyn 8 esege qysqartýdy sarapshylar kásibılendirý men merıtokratııany kúsheıtý boıynsha mańyzdy qadam, sondaı-aq tabystyń bas­ty faktory – Memleket basshysynyń saıası kúsh-jigeri dep sanaıdy.

Memlekettik qyzmettiń jańa modeli jáne damý keleshegi

Qazaqstan óńirdegi elder arasynda reformalar kóshbasshysy retinde tanyldy.

Halyqaralyq sarapshylar Qazaqstandaǵy júrgizilgen memlekettik qyzmet reformasyn joǵary baǵalady. «A» basqarýshylyq korpýsyn qurý jáne saıası laýazymdar sanyn 8 esege qysqartýdy sarapshylar kásibılendirý men merıtokratııany kúsheıtý boıynsha mańyzdy qadam, sondaı-aq tabystyń bas­ty faktory – Memleket basshysynyń saıası kúsh-jigeri dep sanaıdy.

Zańnamalyq deńgeıde memlekettik organnyń birinshi basshysy aýysqan kezde kadrlardyń «komandalyq aýysýyn» azaıtý úshin aýysý tártibinde taǵaıyndaýǵa arnalǵan múmkindikter qysqartyldy. Olar tek qana memlekettik organdar ishinde, sondaı-aq Prezıdent belgilegen jaǵdaılarda ǵana júzege asyrylady. Qalǵan barlyq taǵaıyndaý tek konkýrstyq negizde ǵana júzege asyrylady.

Eger 2012 jyly orta eseppen bir toqsanda memlekettik organdar arasynda 3500 aýysý bolsa, 2013 jyldyń 2-shi toqsanynda (zańnamaǵa ózgerister engizilgennen keıin) aýysý sany 70-ten az boldy, ıaǵnı 50 eseden asa qysqartyldy. Bir orynǵa konkýrs 4,7 adamnan 8,5 adamǵa ósti. Basqasha aıtqanda, konkýrs­tarda bir orynǵa úmitkerler sany eki esege jýyq artty.

Alǵash ret zańnamamen memle­ket­tik organdarda konkýrstar júr­gizý kezinde baqylaýshylar ınstı­týty engizildi. Baqylaýshylar kon­kýrstyq komıssııanyń jumysymen tanysady jáne onyń jumysy týraly óz pikirin aıta alady. Ba­qylaýshylar retinde BAQ, qoǵamdyq birlestikter men ózge uıymdardyń ókilderi qatysa alady.

Qazirgi tańda «A» korpýsy laýazymdaryna 501 azamat taǵaıyn­daldy, olardyń ishinde 155-i (30%) osy laýazymdarda buryn jumys atqarmaǵan. Osyndaı jolmen, «áleýmettik lıft» iske qosyldy.

Qaramaǵyndaǵy adamdardyń sybaılas jemqorlyq qylmystary úshin basshylardyń jaýapkershiligi kúsheıtildi.

Álemniń jetekshi elderiniń tá­jirıbesi boıynsha ýájdeý tetigin engizý jáne memlekettik organdar qyzmetkerleriniń tıimdi áleýetin paıdalaný úshin talanttardy bas­qarý júıesin engizý josparlanýda.

Memlekettik organdarǵa «etı­ka boıynsha keńesshi» engizý qa­ras­tyrylýda. Osy ınstıtýttyń ne­gizgi mindeti – etıkalyq jáne sy­baı­las jemqorlyq quqyq buzý­shy­­lyqtarynyń aldyn alý, mem­le­­kettik qyzmetshilerge sybaılas jem­qor­lyqqa qarsy kúres máse­leleri jáne qyzmettik etıka boıynsha keńes berý.

Memlekettik qyzmette ilgerileý kezin­de merıtokratııa qaǵıdatyn qorǵaýdy kúsheıtý úshin sheshimderi memlekettik organdar basshyla­ry úshin mindetti bolatyn Merı­to­kratııany qorǵaý jónindegi komıssııa qurý kózdelip otyr.

Memlekettik qyzmettiń jańa modeliniń basty ındıkatorlary bolyp mynalar belgilendi:

1)            memlekettik qyzmetke kadrlardy konkýrstyq irikteý júıesine halyqtyń senimin arttyrý;

2)            merıtokratııa qaǵıdatynyń saq­talýyna memlekettik qyzmetshi­ler­diń senimin arttyrý;

3)            memlekettik qyzmetti kór­setý sapasy men qoljetimdiligine qanaǵattaný deńgeıin arttyrý.

«Egemen-aqparat».