Astanada turǵyn úı qymbattady

Elorda bul jóninen Almatyny basyp ozdy

Astanada sońǵy bir aıdyń ishin­de páterdiń baǵasy eki paıyzǵa jýyq (1,61 %) qymbattaǵan bolsa, Al­ma­tyda bul kórsetkish bir paıyz derlik (0,64 %) qalypty ustady. Bul týraly «KazRıeltNedvıjımost» portalyna silteme jasaǵan Tengrinews.kz habarlady.

Elorda bul jóninen Almatyny basyp ozdy

Astanada sońǵy bir aıdyń ishin­de páterdiń baǵasy eki paıyzǵa jýyq (1,61 %) qymbattaǵan bolsa, Al­ma­tyda bul kórsetkish bir paıyz derlik (0,64 %) qalypty ustady. Bul týraly «KazRıeltNedvıjımost» portalyna silteme jasaǵan Tengrinews.kz habarlady.

Osymen bir mezgilde Astanada pá­terdiń orta quny qyrkúıek aıynda sharshy metrine 303,6 teńgeni (1,9 myń dollar) quraǵany belgili boldy. Elordadaǵy jyljymaıtyn múliktiń qaıtalama rynogyndaǵy páterdiń baǵasy sharshy metrine 1,93 paıyzdan 307 teńgege (eki myń dollardan asa) deıin ósti. Jańa úılerdegi páterler aı ishinde sharshy metrine 0,7 paıyzdan 287,1 myń teńgege deıin kóterildi.

Portaldyń málimetteri boıyn­sha, jeke turǵyn úıler ádepki baǵa­laryna 4,09 paıyzdyq ósim qosty. Bul ortasha baǵanyń 66,1 mln. teń­ge (432,3 myń dollar) bolǵanyn bil­diredi. Jeke turǵyn úı qurylysy úshin jer telimi, baý-baqshalyq jer jáne aýyl sharýashylyǵy alqaby aı kóleminde ár sotyǵyna 4,3 paıyzdan 1,4 mln. teńgege deıin ósti.

Bul aralyqta Astanadaǵy bir já­ne eki bólmeli páterlerdi aıyna orta eseppen tıisinshe 87,9 myń já­ne 122,9 myń teńgege (575 jáne 803 dollar) jalǵa alýǵa bolatyn edi. Birinshi jaǵdaıda aı ishindegi jaldyq stavka 0,87 paıyzǵa ósse, ekinshisinde 0,23 paıyzǵa kóterilgen.

О́z kezeginde Almatyda qyrkúıek aıynda páterlerdiń orta baǵasy sharshy metrine 300,9 myń teńgeni (1,9 myń dollar) qurady. Qaıtalama rynoktaǵy turǵynjaı bul qalada aı ishinde 0,29 paıyzdan 297,5 myńǵa (1,9 myń dollar) deıin qymbattady. Jyljymaıtyn múliktiń birinshi rynogyndaǵy páterler (jańadan sa­lynǵan úılerde) aı kóleminde sharshy metrine 3,27 paıyzdan 348,9 myń teńgege (2,28 myń dollar) kóterilgen.

Budan basqa, Almatyda jeke turǵyn úılerdiń bir nysany 1,45 paı­yz­dan 49,7 mln. teńgege (325,1 myń dollar) jetti. Jeke qurylys sa­lý úshin kerekti jer telimi, baý-baqshalyq ýchaske men aýyl sha­rýa­shylyǵy tanaby sotyǵyna 0,22 paıyzdan 1,5 mln. teńgege (9,6 myń dollar) deıin bardy.

Bir jáne eki bólmeli páterler bul qalada aıyna tıisinshe 75,1 jáne 98,4 myń teńgege (491 jáne 643 dollar) jalǵa berildi. Birinshi jaǵdaıda jaldyq qunnyń ósimi 0,8 paıyzdy qurasa, ekinshisinde 0,2 paıyzǵa teń boldy.

Murat AITQOJA.