Densaýlyq saqtaý mınıstrliginde Medısınalyq kómekti uıymdastyrý departamentiniń dırektory Ajar Tóleǵalıevanyń qatysýymen baspasóz jıyny ótti.
15 qyrkúıek pen 15 qarasha aralyǵynda barlyq óńirlerde turǵyndardy emhanalarǵa tirkeý jumysy júrgizilmek.
Densaýlyq saqtaý mınıstrliginde Medısınalyq kómekti uıymdastyrý departamentiniń dırektory Ajar Tóleǵalıevanyń qatysýymen baspasóz jıyny ótti.
15 qyrkúıek pen 15 qarasha aralyǵynda barlyq óńirlerde turǵyndardy emhanalarǵa tirkeý jumysy júrgizilmek.Naýqan aıasynda jergilikti jurt ózderi emdelip júrgenimen, kóńili tolmaıtyn emhanalaryn basqasyna almastyrýǵa quqyly. Sondaı-aq, olar óz emhanalarynyń qyzmetin unatatyn bolsa, bul sharaǵa qatyspaı-aq qoıýyna bolady. Mundaı jaǵdaıda medısınalyq uıym ondaı azamattardy avtomatty túrde kelesi jylǵa tirkeıdi. Bul týraly jıynda Medısınalyq kómekti uıymdastyrý departamentiniń dırektory málim etti. Onyń aıtýynsha, qandaı da bir mekeme turǵyndardy ózderine tirkeýge alýdan bas tartsa, zańsyz bolyp tabylady. Sebebi, 2010 jyldan bastap respýblıkanyń árbir azamatyna medısınalyq uıymdy erkin tańdaý quqyǵy berilgen. Densaýlyq saqtaý mekemeleri turǵylyqty mekenjaı týraly tirkeý qaǵazyn suratatyn bolsa, ol da zańsyz. Búginde tirkeý qaǵazy bolmasa da ár azamat medısınalyq kómek alýǵa quqyly.
Jıynda departament dırektory kelesi jyldan bastap árbir qazaqstandyqqa tegin medısınalyq kómek kórsetýge respýblıkalyq bıýdjetten aıyna 800 teńgeden bólinetinin, odan bólek azamattar aýyrmasa da, jyl saıyn respýblıkanyń árbir turǵynyna 50 dıagnostıkalyq em-dom qarastyrylǵanyn baıandady. «Ortasha alǵanda bizde halyqtyń 30-40 paıyzy syrqatty bolady jáne olarǵa atalǵan 50 qyzmetten artyq kómek qajettilik etedi. Eger de saý adam osy qyzmetti qajet etpese, onda bul qarjy ambýlatorlyq deńgeıde ózge syrqattarǵa jumsalady», dedi ol.
Densaýlyq saqtaý mınıstrliginiń málimetine qaraǵanda, bıyl ár qazaqstandyqqa bıýdjetten aı saıyn 500 teńge bólingen.
«Egemen-aqparat».
