Elordada Ulttyq akademııalyq kitaphanada respýblıkalyq qoǵamdyq-saıası «Halyq sózi» gazetiniń shyqqanyna 3 jyl tolýyna arnalǵan shara ótti. Atalmysh sharany ótkizýge «Bas redaktorlar klýby» qoǵamdyq birlestigi men Ulttyq akademııalyq kitaphana ujymy muryndyq bolyp otyr.
Elordada Ulttyq akademııalyq kitaphanada respýblıkalyq qoǵamdyq-saıası «Halyq sózi» gazetiniń shyqqanyna 3 jyl tolýyna arnalǵan shara ótti. Atalmysh sharany ótkizýge «Bas redaktorlar klýby» qoǵamdyq birlestigi men Ulttyq akademııalyq kitaphana ujymy muryndyq bolyp otyr.
Jıynda sóz alǵan «Bas redaktorlar klýby» QB prezıdenti Kenjebolat Joldybaı «Halyq sóziniń» atqaryp jatqan ıgi jumystaryna óz rızashylyǵyn bildire kele, shyǵarmashylyq ujymǵa tabystar tiledi. Sondaı-aq, jazýshy Talasbek Ásemqulov pen jýrnalıst Eskendir Ertaı basylymnyń erekshelikterine toqtalyp, óz oılaryn ortaǵa saldy.
«Bıyl basylymnyń shyqqanyna 3 jyl tolýyna oraı arnaıy jınaq shyǵarǵan edik. Búgin sonyń tusaýyn kesip otyrmyz. Bul tek qurastyrýshy meniń ǵana emes, búkil ujymnyń eńbegi dep bilemin», dedi «Halyq sózi» gazetiniń bas redaktory Qýat Áýesbaı. Belgili sport jýrnalısi Nesip Júnisbaıuly «Halyq sózi» gazeti jaıynda tolǵamdy oılaryn aıta kele, qazir ınternet zamany degenmen, zerdeli oqyrmandar turǵanda gazet-jýrnaldyń ómirsheń bolatyndyǵyn jetkizdi.
Kitapqa sońǵy úsh jylda «Halyq sózi» respýblıkalyq qoǵamdyq-saıası gazetinde jarııalanǵan maqalalar men suhbattardyń eń negizgisi suryptalyp engizilgen. Basylymnyń birinshi bóliminde búgingi kúnniń eń ózekti máselesi arqaý bolǵan maqalalar, al ekinshi bóliminde óz oılaryn barynsha ashyq ári batyl aıta bilgen tulǵalardyń suhbattary toptastyrylǵan.
Ábdirahman QYDYRBEK,
«Egemen Qazaqstan».
