О́Z ÚLESIMIZDI QOSAMYZ

Bizder – ustazdar qaýymy Elbasynyń jyl saıyn­ǵy Jol­daýlarynyń oryndalýy­nyń naqty kýágerlerimiz. Bıyl Nursultan Ábishuly bıýdjettik sala qyz­metkerleriniń jalaqysy 25 paıyz­ǵa kóteriletinin málim­dedi. 1-shi sáýir­de ol tapsyrmasy júzege asy­rylyp, kópshilik qýanyshqa bólen­di. Bul – byltyrǵy jyly bastal­ǵan istiń jalǵasy. Sondaı-aq, eli­mizdiń joǵary oqý oryn­da­rynyń sapasyn álemdik stan­darttarǵa jetkizý jóninde de qa­dap aıtty. Jyl saıyn bilim salasy órken­dep, órisin keńeıtip keledi. Búgingi kúngi jastarǵa jasal­ǵan qamqorlyq, árıne, erteńgi kúnmen sabaqtas bolmaq. Stý­dentterge arnap zamanaýı jataq­hanalar, jańa úlgidegi korpýstar, elektrondy kitaphanalar sa­lyn­dy. Munyń barlyǵy jastardyń bilimin jetildirý úshin jasaǵan ıgi qadam ekeni sózsiz. Árbir ob­lys ortalyǵynda Tuńǵysh Pre­zıdent atyndaǵy ıntellektýaldyq mek­tepter salynýda. Búginde Qy­zylorda qalasyndaǵy osyndaı mekteptiń qurylysyna qarap tánti bolýdamyz. Onyń bola­shaq­ta naǵyz XXI ǵasyrdyń ın­tel­lektýaldy urpaqtaryn tár­bıeleıtin úzdik oqý ordasy bolatynyna senimdimiz. Elbasy Joldaýyn teledıdar arqyly tamashalap, Prezıdent­tiń júrgizip otyrǵan syndarly saıasatyna tánti boldyq. Eli­mizdiń ishki jáne syrtqy saıasaty týraly súbeli oılary bizdiń bo­lashaqqa degen senimimizdi qa­taıt­ty. Oǵan qosa barys jyly elimizdiń EQYU-ǵa tóraǵalyq etýi árbir qazaq­standyq úshin úlken maqtanysh. Kedendik odaq ta Qazaqstannyń taýar aına­lymyn jetildirip, básekege qabiletti bolýǵa úıretetin sátti qadamdardyń biri. Ustaz retinde elimizdiń bilim berý salasyn damytýǵa, jastary­myz­dyń erteńge degen kózqarasyn qalyptastyrýǵa, Joldaýda atap kórsetilgenindeı óz úlesimizdi qosa beretinimizdi aıtqym keledi. Gúlshat RASMUHANOVA, “Bolashaq” ýnıversıtetiniń oqytýshysy. QYZYLORDA.