Shıban áýletiniń ókili Ábilqaıyr 1428 jyly jańa saıası qurylymnyń bıleýshisi bolyp jarııalandy, bul memleket tarıhı ádebıette handyqtyń negizin salýshynyń esimimen «Ábilhaıyr handyǵy» nemese «Kóshpeli ózbekter memleketi» degen ataý aldy. 1459 jyly Ábilqaıyrmen bolǵan kópjylǵy kúresten keıin, Joshy hannyń úlken uly Orda Ejenniń urpaqtary, Orys hannyń nemereleri, Kereı men Jánibek qolastyndaǵy taıpalarmen Jetisý jerine kóship ketti.
Olar 1465/1466 jyldar shamasynda Qazaq handyǵyn qurdy. 1468 jyly qarsylastarynyń kúsheıip ketýinen qoryqqan Ábilqaıyr han qazaq handaryna qarsy joryqqa shyqty, alaıda, jolda aýyryp, qaıtys boldy. Ol ómirden ótkennen keıin Ábilqaıyr handyǵy qulady. Bul jaǵdaı 1469-70 jyldary qazaq handarynyń Shyǵys Deshti Qypshaq jerine qaıta oralýyna múmkinshilik berdi. Bul jerde olarǵa qarsylyq uıymdastyrý Ábilqaıyrdyń nemeresi Muhammed Shaıbanıdyń ǵana qolynan keldi. Qazaq handarynyń onymen kúresi alma-kezek nátıjemen HV ǵasyrdyń sońyna deıin sozyldy. О́zbek taıpalarynyń bir bóligin basqarǵan Shıban urpaqtary Muhammed Sheıbanı basshylyǵymen HVI ǵasyrdyń basynda Qazaqstan aýmaǵynan Orta Azııaǵa ketti, onda olar Ámir Temirdiń urpaqtaryn talqandap, jańa memleket qurdy.
