Ádebıet • 30 Sáýir, 2020

Kitap karantınge qarsy...

96 retkórsetildi

29 sáýir kúni Ulttyq akademııalyq kitaphanasy Mádenıet jáne sport mınıstrliginiń qoldaýymen «Kitap karantınge qarsy: jańa formattaǵy kitaphanalar» atty halyqaralyq onlaın-forým ótkizdi.

Kitaphana salasynyń barlyq mamandary men ǵalymdarǵa ulttyq qundylyqtardy saqtaý, qoldaý, rýhanı-adamgershilik jáne mádenı aspektilerdi, jańa vırýstyń pandemııasy kezinde kitaphana jumysynyń baǵytyn saqtaý máseleleri boıynsha pikirtalastyq kezdesýge qatysýǵa múmkindik berý úshin aqparattyq jáne ǵylymı-mádenı onlaın-alań qurý maqsatyn dittegen forým túrli taqyryptardy talqyǵa saldy.

Ulttyq akademııalyq kitaphanasynyń basshysy Úmithan Dáýrenbekqyzynyń moderatorlyǵymen ótken onlaın-forýmǵa Reseı Federasııasy (Máskeý, Sankt-Peterbýrg, Novosibir), Qytaı Halyq Respýblıkasy, Italııa, Rýmynııa, Bolgarııa, Malaızııa, Túrkııa, Iаkýtııa, Chývash, О́zbekstan (Horezm, Buhara, Samarqand, Djızak, Naýoı, Ándijan, Syrdarııa, Boz, Qashqadarııa, Namanǵan, Asaqan, Jalaqudyq, Qorǵanteli, Qarakól), Ázerbaıjan, Qyrǵyzstan, Grýzııa, Ýdmýrtııa, Moldova memleketteriniń ulttyq kitaphanalary men elimizdiń kitaphanalary qatysty.

Konferensııa moderatory shara qatysýshylaryna alǵys bildire otyryp:

–Uly qazaq aqyny, fılosof, oıshyl Abaı Qunanbaıuly «Teginde adam balasy adam balasynan aqyl, ǵylym, ar, minez degen nárselermen ozbaq» dedi. Bul joǵary qasıetter ómir boıy adamzat jınaqtaǵan úzdik álemdik ádebıetti oqý arqyly ıe bolady. Búgin álemdi vırýs pandemııasy jaýlaǵan kezde, adamdarǵa ózin-ózi damytý men ózin-ózi jetildirýge kitaphana men kitaptar alǵashqy kómekshisi boldy dep aıtýǵa tolyq sebep bar. О́ıtkeni, qazir karantın kezinde barsha adamzat qaýymy jappaı kitap oqýǵa kirisip ketti, – dedi.

Forým barysynda baıandama jasaǵan Reseı memlekettik kitaphanasynyń Bas dırektory Dýda Vadım Valerevıch karantın kezindegi atqarylǵan jumystaryn atap ótip, qashyqtyqtan jumys isteýdiń erekshe tásilimen bólisti.

- Biz qorymyzdaǵy qujattardy oqyrmandarǵa jetkizýde tıimdi tásildi qoldandyq. Oqyrman belgili bir bólimge ótinim bergen soń, sol kitap avtomatty túrde skanerden ótkizilip, oqyrmannyń jeke kabınetine kelip túsedi. Osy tásilmen kúnine 700-800 kitapqa tapsyrys qabyldap, oqyrmanǵa jetkizemiz. Shema boıynsha jumys istegen óte tıimdi dep tanylyp otyr jáne tipti karantınnen keıin de osy ádis arqyly jumys isteýdi jalǵastyra beremiz. Osy júıe arqyly TMD elderi arasyndaǵy elektrondy kitaphanalar birlesip qyzmet atqaramyz dep senemiz, – dedi Reseı memlekettik kitaphanasynyń Bas dırektory.

Kitaphananyń álemdik rýhanııatqa birden-bir áser etýshi faktor ekenin aıtqan Rım (Italııa) Ulttyq kitaphanasy dırektorynyń halyqaralyq baılanys jónindegi orynbasary Dezıre de Stefano:

–Smart jumysymen baılanysty máselelerdi jedel sheshe alǵan IT-mamandardyń atqaratyn mańyzdy jumysy týraly da umytpaıyq. Kitaphanashylar retinde biz barlyq ýaqytta qoldaý suraǵan paıdalanýshylarymyzǵa jaýap berýge tyrystyq. Endi kitaphanany ashý jaqyndaǵanda, biz jańa sheshimderdi taýyp, jańa qaýipsizdik talaptaryn eskere otyryp, jańa qyzmetterdi oılap tabýymyz kerek. Kitaphana tiri organızm retinde ózderin qaıta oılastyrýy jáne bizdiń aldymyzǵa osy jańa jáne jahandyq jaǵdaıdy qoıatyn qajettilikterge jaýap berýi tıis, – dep oıyn tarqatty.

Malaızııa Ulttyq kitaphanasynyń Bas dırektory Maızan Bıntı Ismaıldiń sózinshe, atalǵan kitaphananyń elektrondy júıesinde 24 mıllıon kitap saqtalǵan eken. Eger oqyrman onlaın tapsyrys berse, kitapty úıine jetkizip beredi. Sondaı-aq, karantın kezinde kitaphanaǵa 23 000 jańa oqyrman tirkelgen eken. Bul, árıne, Malaızııadaǵy kitaphanaǵa degen suranystyń joǵarylyǵyn kórsetse kerek.

«Oqytýdan oqymaq jaqsy» dep ózbek aqyny aıtqandaı, Alısher Naýaı atyndaǵy О́zbekstan Ulttyq kitaphanasy bólim meńgerýshisi Mýratova Mýhtarama karantındik rejim adamdardyń ıntellektýaldyq deńgeıin kóterýine taptyrmas múmkindik ekenin tilge tıek etti.

Al Saha Respýblıkasy Ulttyq kitaphanasy kitaphanalyq-aqparattyq qyzmet bóliminiń meńgerýshisi Popova Svetlana Aleksandrovna:

- Kitaphanashylardyń barlyǵy sıfrlyq qyzmet kórsetýde.  Elektrondy kitaphanada 33 myń kitap bar. Jalpy qorda 1000600 kitap. Elektrondyq júıedegi statıstıka boıynsha eń kóp oqylatyn kitaptar qataryna ıakýttyq avtorlardyń shyǵarmalaryn jatqyzamyz. Sońǵy málimet boıynsha kósh basynda N.A.Lýgınovtyń eńbekteri oqyrman suranysyna ıe, – dep oqyrman talǵamyndaǵy avtorlardy da atap ótti.

Álemniń 15 elinen baıandamashylar qatysqan halyqaralyq konferensııa qazaq, orys jáne aǵylshyn tilderinde ótti. Onlaın-forýmda kitaphanalardyń qashyqtan jumys rejimi, aqparattyq qyzmettiń quqyqtyq aspektileri, bolashaq elektrondyq kitap, zańnamalyq problemalar men bastamalar, karantın kezeńinde halyqtyń elektrondyq jáne baspa aqparatyna qol jetkizýin qamtamasyz etý máseleleri aıasynda kitaphanalyq-aqparattyq ınfraqurylym men aralas oblystardy damytý salasyndaǵy sońǵy jetistikter men ınnovasııalar jarııalanatyn bolady.

Sońǵy jańalyqtar

Aqmolada jolǵa jetkilikti mán berilýde

Aımaqtar • Búgin, 09:12

Esilde 45 páterli úı salynýda

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar