Keshe Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev jumys saparymen Qaraǵandy oblysynda boldy.
Aldymen Temirtaýda ótken «Nur Otan» HDP qalalyq fılıalynyń kezekten tys konferensııasyna qatysyp, Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynan týyndaıtyn mindetterdiń júzege asyrylý barysy jáne partııanyń qoǵamdyq talqylaýǵa usynǵan Doktrınasy týraly delegattarmen oı bólisip, sóz sóıledi. Bul mańyzdy qujattyń negizgi baǵyttary jan-jaqty túsindirildi. Temirtaýlyqtarmen áńgimelesý Tuńǵysh Prezıdenttiń tarıhı-mádenı ortalyǵynda azamattardy jeke suraqtary boıynsha qabyldaýmen jalǵasty.
Keshe Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev jumys saparymen Qaraǵandy oblysynda boldy.
Aldymen Temirtaýda ótken «Nur Otan» HDP qalalyq fılıalynyń kezekten tys konferensııasyna qatysyp, Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynan týyndaıtyn mindetterdiń júzege asyrylý barysy jáne partııanyń qoǵamdyq talqylaýǵa usynǵan Doktrınasy týraly delegattarmen oı bólisip, sóz sóıledi. Bul mańyzdy qujattyń negizgi baǵyttary jan-jaqty túsindirildi. Temirtaýlyqtarmen áńgimelesý Tuńǵysh Prezıdenttiń tarıhı-mádenı ortalyǵynda azamattardy jeke suraqtary boıynsha qabyldaýmen jalǵasty.
Mınıstr sondaı-aq , osynda kásiporyndar basshylarymen, kásipkerlermen, Prezıdent N.Á.Nazarbaevtyń bıylǵy Joldaýyn túsindirý jónindegi aqparattyq-nasıhattyq top múshelerimen kezdesti. Memleket basshysynyń el ekonomıkasyn odan ári nyǵaıtý, ınnovasııalyq úderisterdi damytý, óndiristi ártaraptandyrý, orta jáne shaǵyn bıznesti qoldaý talaptaryna sáıkes atqarylyp jatqan is-sharalar men mindetter ortaǵa salynyp, talqylandy. Qatysýshylar ózderin tolǵandyrǵan saýaldar qoıyp, pikir almasty.
Á. Isekeshev budan soń «Saryarqa» erkin ekonomıkalyq aımaǵynda bolyp, munda mańyzdy birneshe jobalardy iske asyrýshy «Bemer Armatýra» , «Izoplıýs Ortalyq Azııa» , «Henvý Ortalyq Azııa» JShS-lar jumysyna zer saldy. Atalǵan seriktestikter jetekshilerimen arada « Saryarqa» EEA múmkindigin jetildirý, ınvestısııalyq belsendilikti kúsheıtý, birlesip sheshilýge tıisti tolǵaqty máseleler , keıbir túıtkildi jaılar jóninde áńgime qozǵaldy. О́ńirdiń ǵana emes, búkil el ekonomıkasy tynysyna jańa serpin beretin aımaqty tez arada órkendi óndiris ortasyna aınaldyrý maqsatyna baılanysty ortaq múddeli mindetter saralandy. Nysandardy aralaǵan soń « Qaraǵandy ınvest» jáne «Metallýrgııa, metall óńdeý ındýstrııalyq park» JShS basshylarynyń esebi tyńdaldy. Sonymen birge Á.Isekeshev avtonomdy energııa qurý, ekologııalyq taza jáne qaldyqsyz ónim óndirý tehnologııasyn qoldanýdy óndiriske keńinen engizýshi «Kenjer» AQ pen ken baıytý jáne taý-ken jabdyqtaryn jóndeıtin «SVK GROUP» kompanııasy tobynyń óndiristik bazasy jumysymen tanysty.
Jumys sapary sońynda Áset Isekeshev oblys ákimi Baýyrjan Ábdishevpen birge aımaqtyń áleýmettik-ekonomıkalyq damýynyń ózekti máselelerin talqylaýǵa arnalǵan oblys aktıvimen jıyn ótkizdi. О́zgeris ólshemi óndiris sanalatyn óńir aldyna salany damytý baǵytynda naqty mindetter qoıyldy.
Aıqyn NESIPBAI,
«Egemen Qazaqstan».
QARAǴANDY.
