Keshe Almatyda Rixos qonaqúıinde «Kasakhstan OnLike-2013» halyqaralyq medıakongresi ótti. QR Jýrnalıster odaǵy men Qazaqstan Internet qaýymdastyǵy uıymdastyryp, QR Mádenıet jáne aqparat mınıstrligi men QR Prezıdenti janyndaǵy ortalyq kommýnıkasııa qyzmetiniń qoldaýymen ótken alqaly jıynǵa 250-ge jýyq qazaqstandyq BAQ-tyń bas redaktorlary, ınternet-resýrstardy paıdalanýshylar, tanymal medıasarapshylar men qoǵamdyq uıymdardyń basshylary, blogerler, saıasattanýshylar, baspasóz-qyzmeti kompanııalarynyń basshylary qatysty. Spıkerlikke Qazaqstan, Reseı jáne Ýkraınanyń tanymal medıasarapshylary shaqyryldy.
Keshe Almatyda Rixos qonaqúıinde «Kasakhstan OnLike-2013» halyqaralyq medıakongresi ótti. QR Jýrnalıster odaǵy men Qazaqstan Internet qaýymdastyǵy uıymdastyryp, QR Mádenıet jáne aqparat mınıstrligi men QR Prezıdenti janyndaǵy ortalyq kommýnıkasııa qyzmetiniń qoldaýymen ótken alqaly jıynǵa 250-ge jýyq qazaqstandyq BAQ-tyń bas redaktorlary, ınternet-resýrstardy paıdalanýshylar, tanymal medıasarapshylar men qoǵamdyq uıymdardyń basshylary, blogerler, saıasattanýshylar, baspasóz-qyzmeti kompanııalarynyń basshylary qatysty. Spıkerlikke Qazaqstan, Reseı jáne Ýkraınanyń tanymal medıasarapshylary shaqyryldy.
Jıyndy ashyp, quttyqtaý sóz sóılegen QR Mádenıet jáne aqparat vıse-mınıstri Arman Qyryqbaev tórtkúl dúnıede ınternettiń shapshań qarqynmen damyp, soǵan sáıkes naryqta jańa medıa paıda bolyp otyrǵanyn, sondyqtan memleket jańa medıa ókilderimen yntymaqtastyqqa múddeli ekenin jetkizdi.
– Elimizde ınternetti paıdalanýshylardyń jalpy úles salmaǵy resmı aqparat boıynsha halyq sanyna shaqqanda 62 paıyzdan asyp otyr. Aldaǵy ýaqytta bul kórsetkish odan ári óse bermek. Otandyq ınternet keńistigin damytý, eń aldymen qazaq tildi ınternet resýrstarynyń sanyn kóbeıtip, olardyń sapasyn arttyrý jumysyn jolǵa qoıý, kerek bolsa materıaldyq turǵydan kómek kórsetý – biz úshin kún tártibinde turǵan basty másele. Bul jerde velosıped oılap tabýdyń qajeti joq. Kóp nárse bizge deıin de oılastyrylǵan. Sondyqtan jaqsylyǵyn alyp, jamandyǵyn keri ysyryp otyrýymyz kerek. Búgingi kezdesýdiń mańyzdylyǵy da osynda jatyr, – dedi vıse-mınıstr.
A.Qyryqbaevtyń aıtýynsha, búkil álemde birizdený úderisteri júrip, ásirese, mádenıetimizge qaýip tóndirip jatqanda, oǵan qalaı tótep beremiz, osyndaı aýqymdy ǵalamdyq máselelerdi qalaı sheshemiz degende, elimiz alys-jaqyn sheteldiń aldyńǵy qatarly jańa medııa ókilderimen jaqsy qarym-qatynasta bolyp, olardan bilmeıtinimizdi úırenip, tájirıbe almasa bilýimiz qajet. Búgingi uıymdastyrylyp otyrǵan is-shara sonyń bir parasy. Sondaı-aq, vıse-mınıstr bıyldyń ózinde memleket tarapynan Mádenıet jáne aqparat mınıstrliginiń tikeleı qoldaýymen júzge jýyq otandyq, onyń ishinde aımaqtyq gazet-jýrnaldardyń barlyǵyn ınternet júıesine kóshirýge jaǵdaı jasaý jóninde sheshim qabyldanyp, arnaıy qarjy bólingenin, búginde ol jumystyń oıdaǵydaı atqarylyp jatqanyn, jyldyń aıaǵyna deıin nátıjesin kóretinimizdi de jetkize ketti.
Jıynda «Jańa medıa jáne saıası kommýnıkasııa», «Jańa medıakommýnıkasııa ekonomıka salasynda», «Mass-medıa evolıýsııasy: qaǵazdan sanǵa», «Jańa BAQ-qa modeldi bıznes» atty taqyryptar plenarlyq otyrystar men seksııalarda talqylandy.
– Mundaı jıyndar, alqaly basqosýlar jıi-jıi bolyp turǵany abzal, – dedi bizben áńgimesinde Qazaqstan baspasóz klýbynyń atqarýshy dırektory Sáken Balbaev. – О́ıtkeni, qazirgi buqaralyq aqparattyń damýy jyl saıyn artyp, tipti kún saıyn ózgerister bolyp jatyr. Forýmda «nege qazaq tilindegi ınternettiń damý qarqyny baıaý» degen másele de kóterildi. Olaı deıtinimiz, búkil álemdegi qazaqsha saıttardyń sany elýge jetpeıdi eken. Orys tilinde myńdaǵan, al aǵylshyn tilinde esepsiz. Qazaqstanda saıttardyń orys tilinde bolsyn, qazaq tilinde bolsyn kontenti, damýy shamaly. Iаǵnı, maǵynasy az, aqparaty az, jyldam kelmeıdi. Endeshe, osy máselelerge kóńil aýdarýǵa tıispiz.
Qoryta aıtqanda, mundaı forýmdar osy salada tájirıbe almasýdyń platformasyna, iskerlik qarym-qatynastary men áriptestik baılanystardy damytýǵa kómegin tıgizbek.
Gúlzeınep SÁDIRQYZY,
«Egemen Qazaqstan».
