Elordadaǵy «Folıant» baspasynan Birjan Sal Qojaǵululynyń án-óleńderi toptastyrylǵan «Al, dúnıe...» atty kitap jaryqqa shyqty. Qurastyrýshysy – esimi elimizge jaqsy tanymal óner janashyry, aqyn, jyrshy, sazger Baıanǵalı Álimjanov.
Birjan sal – qazaqtyń ulttyq ári klassıkalyq óneriniń jaryq juldyzy. Onyń ánderi oryndaýshysy myqty bolsa, búgingi kúni de tyńdaýshyǵa asqaq sezim, shaǵala shabyt syılaıtyn óz tuǵyrynan tómendegen emes.
Elordadaǵy «Folıant» baspasynan Birjan Sal Qojaǵululynyń án-óleńderi toptastyrylǵan «Al, dúnıe...» atty kitap jaryqqa shyqty. Qurastyrýshysy – esimi elimizge jaqsy tanymal óner janashyry, aqyn, jyrshy, sazger Baıanǵalı Álimjanov.Birjan sal – qazaqtyń ulttyq ári klassıkalyq óneriniń jaryq juldyzy. Onyń ánderi oryndaýshysy myqty bolsa, búgingi kúni de tyńdaýshyǵa asqaq sezim, shaǵala shabyt syılaıtyn óz tuǵyrynan tómendegen emes.On toǵyzynshy ǵasyrda ómir súrip, Arqada tutas ánshilik mektep qalyptastyryp, qazaq mýzykasyn jańa bıikke kótergen Birjan saldyń shyǵarmashylyǵy – tutas bir poetıkalyq álem. Bul týraly Baıanǵalı Álimjanov kitaptyń alǵysózinde «Onyń ánderi bir jarym ǵasyrdan astam ýaqyt boıy keń-baıtaq dalamyzda úzbeı aıtylyp keledi. Radıoda, teledıdarda, konsertterde, konkýrs, festıvalderde Birjan ánderi udaıy, kún saıyn shyrqalyp, talaı urpaqtyń rýhanı azyǵyna aınaldy. Onyń murasy tiri. Ol halyqpen birge jasaı beretin baı qazyna» dep jazypty. Ol sondaı-aq, Birjan sal ánderin qazaqtyń daryndy, dańqty ánshileriniń qanshama býyny asqaqtata salǵanyn, ózin qazaqtyń dástúrli ánshilik óneriniń zańdy ókili sanaıtyn óreli ánshilerdiń Birjanǵa soqpaǵany, óz múmkindikterin Birjan ánderimen synap kórmegeni kemde-kem ekenin dátteıdi.
Birjan sal ánderi toptastyrylǵan bul jınaq kompozıtordyń týǵanyna 150 jyl tolýyna oraı jaryq kórip otyr. Munda sal ánderiniń ár kezde A.Zataevıch, M.Tólebaev, A.Jubanov, B.Erzakovıch, Q.Júzbasov jazyp alyp, jarııalaǵan jáne qoljazba kúıinde saqtalǵan negizgileri toptastyrylǵan. Jáne «Janbota», «Býryltaı», «Láılim shyraq», «Telqońyr», «Jambas sıpar», t.b eń tanymal ánderiniń túrli nusqalary jarııalanǵan. Muny qurastyrýshy Birjannyń birsypyra ánderi men sózderi halyq arasynda uzaq ýaqyt aýyzsha saqtalýyna baılanysty kóp nusqada kezdesetinimen, oǵan qosa árbir ánshi óziniń oryndaý barysynda azdy-kópti ózgerister engizip otyratynymen túsindiredi.
B.Álimjanov «jınaqqa Birjan ánderiniń bári endi dep qaraýǵa bolmaıdy. О́ıtkeni halyq arasynda onyń áli de jınap, jazyp alýyn kútip jatqan ánderi joq emes. Ánshi murasynyń belgisiz bóligin tabý, jarııalaý – aldaǵy kúnderdiń mindeti» deıdi eskertý retinde.
«Egemen-aqparat».
