Keshe Qazaqstan Respýblıkasynyń Premer-Mınıstri Serik Ahmetov Fransııaǵa jumys sapary barysynda Halyqaralyq kórmeler bıýrosynyń Bas hatshysy Vısente Lossertalespen kezdesti, dep habarlady Premer-Mınıstrdiń baspasóz qyzmeti.
Kezdesýdiń basty taqyryby Qazaqstan men HKB arasyndaǵy ózara baılanystar, sol sııaqty Astanada EKSPO-2017 kórmesin ótkizýge daıyndyq barysy máseleleri boldy.
Keshe Qazaqstan Respýblıkasynyń Premer-Mınıstri Serik Ahmetov Fransııaǵa jumys sapary barysynda Halyqaralyq kórmeler bıýrosynyń Bas hatshysy Vısente Lossertalespen kezdesti, dep habarlady Premer-Mınıstrdiń baspasóz qyzmeti.
Kezdesýdiń basty taqyryby Qazaqstan men HKB arasyndaǵy ózara baılanystar, sol sııaqty Astanada EKSPO-2017 kórmesin ótkizýge daıyndyq barysy máseleleri boldy.
Halyqaralyq kórmeler bıýrosymen qyzmettestiktiń strategııalyq sıpatyna nazar aýdara otyryp, Úkimet basshysy EKSPO-2017 kórmesin ótkizýdiń Qazaqstan úshin mańyzdylyǵyn atap ótti.
Qazaqstan tarapynan kórmege daıyndyqty sapaly júrgizý úshin barlyq qajetti sharalar qabyldanýda, dedi S.Ahmetov.
Premer-Mınıstr V.Lossertaleske HKB-ǵa ústimizdegi jyldyń jeltoqsanynda usynylýǵa tıis Tirkeý qujattarynyń daıyndyq satysynda ekendigin, sonymen birge, kórmeniń arhıtektýralyq eskızine baıqaý ótkizilgenin habarlady.
Halyqaralyq konkýrsqa álemniń túrli elderinen 50-den astam maman qatysty. Baıqaý qorytyndysy boıynsha EKSPO kórme kesheniniń negizine aınalatyn eskız-ıdeıa anyqtalatyn bolady, dep atap kórsetti S.Ahmetov.
V.Lossertales Astanada EKSPO kórmesin ótkizýge daıyndyqtyń joǵary deńgeıde júrip jatqanyna nazar aýdaryp, osy oraıdaǵy Memleket basshysynyń rólin erekshe atap kórsetti.
Men taıaýda Astanada Qazaqstan Prezıdentimen kezdestim. Sol joly Nursultan Nazarbaev kórmege daıyndyq barysynyń óziniń jeke baqylaýynda bolatyndyǵyn atap ótti, dedi V.Lossertales. Sondaı-aq, HKB Bas hatshysy óziniń osy baǵytta 20 jyldan astam ýaqyt qyzmet istep, talaı kórmeler ótkizgenin, biraq osy uıym jumysyndaǵy óz tarıhynda bir de bir eldiń dál osylaı tez, shuǵyl jáne tıimdi jumys istegendigin kórmegenin jetkizdi.
Kezdesý qorytyndysynda, V.Lossertales Qazaqstan tarapyna mamandandyrylǵan kórmeni ótkizýde tabystar tiledi.
Sol sııaqty sapar barysynda Qazaqstan Úkimetiniń basshysy S.Ahmetov Fransııanyń isker toptarynyń ókilderimen kezdesetin bolady.
