«О́zbekstan Respýblıkasy aýmaǵyndaǵy Sardoba sý qoımasy bógetiniń buzylýy jáne onyń saldarynan Túrkistan oblysynyń birqatar eldi mekenderin sý basý boıynsha jaǵdaı bizdiń Úkimettiń erekshe baqylaýynda.
Ústimizdegi jylǵy 2 mamyrda Qazaqstan Prezıdenti Qasym-Jomart Toqaev О́zbekstan Prezıdenti Shavkat Mırzııoevpen telefon arqyly sóıleskeni jáne suhbat barysynda taraptar oryn alǵan jaǵdaıdy naqty talqylap, eki el úkimeti úılesimdi jumys atqaratyny týraly ýaǵdalasqany málim.
Sý basý saldaryn birlesip joıý boıynsha úkimet pen shekaralas óńirler basshylarynyń tyǵyz ózara is-qımylyn nazarǵa ala otyryp, ózbek tarapyna QR Syrtqy ister mınıstrliginiń notasyn joldaý máselesi qarastyrylmaıdy.
Túrkistan oblysynyń ákimi О́zbekstannyń kórshiles óńirlerine jedel túrde sapar jasady, sondaı-aq ózbek tarapymen qajetti kelissózder júrgizip, onyń qorytyndylary týraly Úkimettiń búgingi otyrysynda baıandady.
О́zderińizge málim, Premer-Mınıstrdiń orynbasary Roman Sklıar bastaǵan Úkimettik komıssııa quryldy. Erteń ol Túrkistan oblysy men О́zbekstanǵa birlesken is-qımyl algorıtmin pysyqtaý úshin barady.
Eki taraptyń barlyq baılanystary tolyqtaı Máńgilik dostyq jáne strategııalyq áriptestik týraly sharttardyń jáne Transshekaralyq sý aǵyndary men halyqaralyq kólderdi qorǵaý jáne paıdalaný jónindegi Konvensııanyń normalaryna sáıkes júzege asyrylady», - dedi SIM resmı ókili A.Smadııarov.
