Ádebıet • 06 Mamyr, 2020

Nur-Sultanda aqmolalyq Uly Otan soǵysynyń batyrlary týraly kitap tanystyryldy

17 ret kórsetildi

Búgin Nur-Sultan ákimdiginde «Uly Jeńis eshqashan umytylmaıdy» atty kitaptyń tanystyrylymy ótti. Onda aqmolalyqtardyń Uly Jeńiske qosqan eren eńbegi sýrettelgen. Bul týraly elorda ákimdiginiń resmı saıty habarlady.

«Redaksııalyq alqa qurylyp,onyń quramyna jýrnalıster men ardagerler keńesiniń músheleri kirdi. Ýaqyttyń azdyǵyna qaramastan biz soǵysqa osy óńirden attanǵan azamattardyń ómirbaıandaryn jınap, soǵystyń kýágerleri – kózi tiri aragerlermen kezdestik. Kitapty jazý kezinde bizdiń óńirimizdiń batyrlardyń otany ekenine kózimiz jetti. 500 jaýynger – Qazaqstannan shyqqan Keńes Odaǵynyń batyrlarynyń 44-i Aqmola oblysynyń týmasy. Bul kitap olardyń óshpes erligin eske salýǵa arnalǵan. Ony daıyndaǵandaǵy taǵy bir maqsatymyz – jas urpaqqa týǵan jerge degen súıispenshilik pen maqtanyshty dáripteý. Qazirgi balalar aǵa býyn kórgen soǵys pen qatań synaq týraly bilýi tıis», – degen Ǵ.Baltabaı kitap mektep kitaphanalaryna tússe degen tilegin de jetkizdi.

Kitapqa tek soǵysqa qatysqan jaýyngerler ǵana emes, tylda eńbek etken azamattardyń da esimderi endi.

«Bul kitap qan maıdanda jan tapsyrǵan batyrlar men tylda jumys istegen azamattarǵa degen bizdiń alǵysymyz», – dedi elordanyń ardagerler keńesiniń tóraǵasy S. Esilov.

Aıta keteıik, «Uly Jeńis eshqashan umytylmaıdy» kitaby 500 danamen qazaq jáne orys tilderinde shyqty.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar