Qoǵam • 09 Mamyr, 2020

Qazaqstan halqy Assambleıasy Uly Jeńistiń 75 jyldyq merekesimen quttyqtady

38 retkórsetildi

Qurmetti otandastar!

Sizderdi Uly Jeńistiń 75 jyldyq merekesiniń atalyp ótýimen  quttyqtaımyz!

Bul kún –  qazaqstandyq árbir otbasy úshin  jan­qııarlyqpen kúresken jaýjúrek atalary men áke­leri­niń erligi men batyrlyǵynyń dáriptelýimen erekshe qas­terli.

 

Baýyrjan Momyshuly, Álııa Moldaǵulova, Raqymjan Qoshqarbaev, Ivan Panfılov, Talǵat Bıgeldınov, Nurken Ábdirev jáne basqa halqymyzdyń batyr ul-qyzdarynyń  esimi – adamzattyń fashızmge qarsy kúresi men jeńisti jaqyndatýdaǵy Qazaqstannyń qosqan úlesin aıǵaqtaıdy.

Olardyń erligi men qaısarlyǵynyń arqasynda búgingi tańda Táýelsiz Qazaqstandy nyǵaıtyp jáne damytyp otyrmyz.

Erlik – eshqashan umytylmaıdy. Biz bul kúni Otan aldynda óz ómirin qurban etkenderge qurmet kórsetip, tyldaǵy eren eńbek pen týǵan jerdi qorǵaýda kúsh-jigerin aıamaǵan eńbekkerlerdiń aldynda bas ıemiz.

Otty jyldardyń kózi tiri kýágerleri –  Jeńisti erlikpen alyp bergen soǵys ardagerleri men tyl ardagerlerine shynaıy alǵysymyz ben qoshemetimizdi bildiremiz.

 

Qymbatty ardagerler, Uly Otan soǵysynyń qatysýshylary, tyl eńbekkerleri!

Sizderdi shyn júrekten merekelerińizben quttyqtaımyz. Sizderge basymyzdy ıemiz jáne zor densaýlyq, uzaq ǵumyr tileımiz! Úılerińizde árqashan beıbitshilik pen tynyshtyq ornasyn!

Et jaqyndaryńyz ben týǵandaryńyzǵa baqyt pen amandyq tileımiz!

Dańqtaryńyz arta bersin, ardagerler!

Jeńis kúnimen!

 

Qazaqstan halqy Assambleıasy

 

Sońǵy jańalyqtar

Eriktiler balalardy quttyqtady

Aımaqtar • Keshe

Uqsas jańalyqtar