Qoǵam • 09 Mamyr, 2020

Bir serpilip qaldyq

19 retkórsetildi

Memleket basshysy Qasym-Jomart Toqaev Jeńistiń 75 jyldyǵy qarsańynda «Ardagerler týraly» zańǵa qol qoıǵanyn yqylaspen qabyl aldyq. Muny keshegi zamanda oq pen ottyń ortasynda bolyp, Otan qorǵaǵan ardagerlerge kórsetilgen úlken qurmet pen qoldaý dep bilemin.

Atalǵan zań arqyly memleket tarapynan Uly Otan soǵysynyń jáne oǵan teńestirilgen barlyq ardagerlerdiń áleýmettik máse­leleri, olardyń taǵy da basqa qajet­tilikterin óteý týra­ly máse­leler qarastyrylǵan. Qazaq­standyq ardagerlerge tólenetin jár­demaqy ulǵaıyp, olar salyq­tyń 11 túrinen bosatylady. So­nymen qatar atalǵan zańda jeke turǵyn úı salý úshin birinshi kezekte jer ýchaskesin alý quqyǵy, kepil­dik berilgen arnaýly áleýmettik qyzmetter kólemin birinshi kezekte alý jáne basqa da jeńildikter bar.

Búginde elimiz áleýmettik áleýeti artqan, ekonomıkasy damyǵan memleketke aınalyp otyr. Sonymen qatar Prezıdent rýhanı qundylyqtardy da nasıhattaýda laıyqty eńbek etýde. Sonyń bir dáleli – qabyldanyp otyrǵan «Ardagerler týraly» zań. Bul jastardy Uly Jeńis kúnin jaqyndatýǵa úles qosqan barlyq ardagerlerdi qurmetteýge shaqyratyn bastama dep bilemin. El basyna kún týǵan qıyn-qystaý kezeńde ardagerlerimiz qolyna qarý alyp, Otanymyzdy qorǵady. Olar qaı qıyrda júrse de Otan aldyndaǵy boryshyn adal atqardy. Elimizdegi búgingi beıbit kúnniń ornaýyna úles qosty. Bul úshin de bolashaq urpaq ardagerlerdiń eren eńbegin bilip ósýi, sol arqyly qalyptasýy tıis der edim.

Memleket basshysy Qasym-Jomart Toqaevtyń elimizdiń erlik shejiresin jasaǵan ardagerler úshin zańǵa qol qoıyp, qurmet kórsetýi de elimizdegi aıtýly oqıǵanyń biri. Prezıdent barlyq deńgeıdegi ardagerlerge áleýmettik kómekterdiń kórsetiletinin, olardyń árdaıym memleket qamqorlyǵynda bolatynyn naqtylady. Memleket tarapynan ardagerlerge laıyqty qurmet kórsetilip te keledi. Máselen, Uly Jeńis kúni qarsańynda elimizdiń Tuńǵysh Prezıdenti – Elbasy Nursultan Nazarbaevtyń bastamasymen júzege asyp jatqan «Biz birgemiz!» aksııasy aıasynda az qamtylǵan jambyldyq 250 aýǵan soǵysynyń ardagerine 50 myń teńgeden áleýmettik kómek berildi. Bul da memleketimizdiń ardagerlerge kórsetip otyrǵan qamqorlyǵy men qoldaýy. Endi eshqashan soǵys bolmasyn! Jastarymyz aman bolsyn! Táýelsiz elimiz tuǵyrynda máńgi tursyn degen tilegim bar.

 

Dúkenbaı ERMEKOV,

«Jambyl oblysy Aýǵan soǵysy ardagerleri múgedekteri» odaǵynyń tóraǵasy, Aýǵan soǵysynyń ardageri, «Qurmet» ordeniniń ıegeri

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar