Jylý berý maýsymyna daıyndyq qalaı?

Premer-Mınıstr Serik Ahmetovtiń tóraǵalyǵymen selektorlyq rejimde ótken keshegi Úkimet otyrysynda 2013-2014 jylǵy jylý berý maýsymyna daıyndyq máseleleri qaraldy. Onda memlekettik organdar men oblys ákimderiniń aldaǵy maýsymǵa daıyndyǵy týraly esepteri tyńdalyp, tıisti sharalar belgilendi.

Premer-Mınıstr Serik Ahmetovtiń tóraǵalyǵymen selektorlyq rejimde ótken keshegi Úkimet otyrysynda 2013-2014 jylǵy jylý berý maýsymyna daıyndyq máseleleri qaraldy. Onda memlekettik organdar men oblys ákimderiniń aldaǵy maýsymǵa daıyndyǵy týraly esepteri tyńdalyp, tıisti sharalar belgilendi.

Jylý berý maýsymyna daıyndyq ju­mystary negizinen aıaqtalyp qaldy. Tipti soltústik óńirlerdegi áleýmettik nysan­darǵa jylý berý bastalyp ta ket­ti, dedi S.Ahmetov. Sharanyń mańyz­dy­lyǵyna toqtala kelip, Premer-Mı­nıstr sóz kezegin Indýstrııa jáne jańa tehnologııalar mınıstriniń orynbasa­ry B.Jaqsalıevke berdi. Mınıstr oryn­ba­sary­nyń sózine qaraǵanda, jylý berý maýsymyna daıyndyq jumystary uıym­shyldyqpen, josparǵa saı júrip jatyr. Degenmen, kúrmeýi qıyn birqatar máse­le­ler de bar eken. Onyń kóbi tozyǵy jet­ken jylý qazandyqtary men jylý je­lilerine baılanysty kórinedi. Taıaý kún­deri jylý berý maýsymyna daıyndalý isi nashar bolǵan óńirler boıynsha Úkimetke arnaıy usynystar ázirlenedi, dedi B.Jaqsalıev. Sondaı-aq, bıylǵy jyly energetıkalyq kásiporyndar kúzgi jáne qysqy maýsymdyq jumystardy júrgizý úshin arnaıy tólqujat alýǵa asyqpasa bolmaıdy. О́ıtkeni, qujat qabyldaý qazan aıynyń birinshi kúni aıaqtalady eken.

Áleýmettik jáne turǵyn úı-kommýnaldyq sharýashylyq sektoryndaǵy nysandardyń qys aılaryna daıyndyq jumystary jóninde О́ńirlik damý mınıstriniń orynbasary S.Nokın baıandama jasady. Onyń aıtýynsha, ótken jylytý maýsymynyń sońynda kommýnaldyq qyzmetter úshin tutynýshylardyń debıtorlyq be­reshegi 6,6 mlrd. teńgeni qu­ra­ǵan. Qazirgi jaǵdaı boıynsha debı­tor­lyq bereshek 5,8 mlrd. teńge bo­lyp otyr. Qyrkúıek aıynyń jıyrma kúninde bul kórsetkish 675 mln. teńgege azaıdy. Iаǵnı 10 paıyzǵa tómendedi. Bul rette atap aıtatynymyz debıtorlyq qaryzdy óndirip alýda Astana qalasy – 276 mln, Qostanaı oblysy – 171 mln, Ońtústik Qazaqstan oblysy – 86 mln, Aqmola oblysy – 43 mln. jáne Batys Qazaqstan oblysy 34 mln. teńge jınap, belsendi jumys júrgizý nátıjesinde qaryz kólemin birshama tómendetken, dedi S.Nokın. Jıyn barysynda úlgi alatyn aımaq retinde Pavlodar oblysy ǵana ataldy. Bul óńirdiń kommýnaldyq tólem úshin esh qary­zy joq eken.

Jylý berý maýsymyna daı­yndyq sharalary boıynsha Munaı jáne gaz mınıstri U.Qarabalın, Tótenshe jaǵdaılar mınıstri V.Bojko jáne Shyǵys Qazaqstan oblysynyń ákimi B.Saparbaev, Qostanaı oblysynyń ákimi N.Sá­dýaqasov, Aqmola oblysynyń áki­mi Q.Aıtmuhametov, Jambyl obly­synyń ákimi Q.Bozymbaev, Mań­ǵystaý oblysynyń ákimi A.Aı­darbaev, Ońtústik Qazaqstan obly­synyń ákimi A.Myrzahmetov, As­tana qalasy ákiminiń orynba­sary V.Krylov sóz sóıledi. Bárin muqııat tyńdaǵan Premer-Mınıstr qys maýsymyna daıyndyq jumystary Elbasy Nursultan Nazarbaevtyń tikeleı baqylaýynda turǵanyn eske saldy. Sóıtip, tıisti organ­dar­ǵa birqatar mindetter júktedi. Ási­rese, Qarataý qalasyna aıryqsha kóńil bóldi.

Bıylǵy jyly Qarataý hal­qy­nan eshqandaı shaǵym tús­pe­geni lázim. О́tken jyly qala tur­ǵyn­dary kútpegen tabıǵat apatynan qatty zardap shekti. Qazirgi tań­da Qarataý qalasynyń tynys-tir­shiligi Elbasynyń qatań baqy­laýynda. Sondyqtan da bul el­di mekendi nazaryńyzdan tys qal­dyrmańyz, dedi S.Ahmetov Jambyl oblysynyń ákimine.

Otyrysty qorytyndylaǵan Úkimet basshysy jalpy jylý berý maýsymyna daıyndyqtyń jaman emestigine toqtalyp, alaıda, qystyń erte túsýi múmkin eke­nin eskertti. Osyǵan oraı, óńir­ler basshylaryna energııa kóz­deriniń daıyndyǵyn qosymsha taǵy tekserýdi tapsyrdy. Elektr jáne jylý qýatyn tasymaldaý je­lileriniń, áleýmettik-mádenı nysandar men turǵyn úılerdiń jaǵ­daıyna jáne jylý berý maý­symyn belgilengen merzimde uıymdasqan túrde bastaý boıynsha tıisti sharalar qabyldaýdy júktedi.

Oǵan qosa О́ńirlik damý mı­nıstrligine de turǵyn úılerdiń jylý berý maýsymyna daıarlyǵyn qaıta tekserý kerektigin aıtty. Ap­ta sońyna deıin 100 paıyz turǵyn úıler men áleýmettik nysandar bar jerlerdi iriktep otyryp tekse­rýdi, óńirler men qalalardaǵy jy­lý berýge daıyndyq jaǵdaıyn mu­qııat tekserýdi tapsyramyn, dedi S.Ahmetov.

Premer-Mınıstr, sondaı-aq, Indýstrııa jáne jańa tehnolo­gııa­lar, Tótenshe jaǵdaılar mı­nıs­trlikterine jóndeý jumys­tary­nyń belgile