Parlament Senatynyń Qarjy jáne bıýdjet komıteti Batys Qazaqstan oblysynda kóshpeli otyrys ótkizip, Birtutas ekonomıkalyq keńistik jáne Keden odaǵy jaǵdaıynda bıznes júrgizý máseleleri boıynsha memlekettik organdardyń, qoǵamdyq uıymdardyń jáne bıznes qurylymdardyń ókilderimen kezdesý ótkizdi, dep habarlady osy palatanyń baspasóz qyzmeti.
Parlament Senatynyń Qarjy jáne bıýdjet komıteti Batys Qazaqstan oblysynda kóshpeli otyrys ótkizip, Birtutas ekonomıkalyq keńistik jáne Keden odaǵy jaǵdaıynda bıznes júrgizý máseleleri boıynsha memlekettik organdardyń, qoǵamdyq uıymdardyń jáne bıznes qurylymdardyń ókilderimen kezdesý ótkizdi, dep habarlady osy palatanyń baspasóz qyzmeti.
Sharaǵa Senat depýtattary, memlekettik organdardyń, qoǵamdyq uıymdardyń jáne bıznes qurylymdardyń ókilderi qatysty.
Kezdesýdi asha kelip Batys Qazaqstan oblysynyń ákimi N.Noǵaev quttyqtaý sóz sóıledi. Senattyń salalyq komıtetiniń tóraǵasy Rashıt Ahmetov talqylanyp otyrǵan másele Memleket basshysynyń «Qazaqstan-2050» Strategııasy» Joldaýyndaǵy ekonomıkany jańǵyrtý mindetteri aıasynda mańyzdy ekenin atap ótti.
Senator atap ótkendeı, «Qazirgi kezde qatysýshy memleketter ekonomıkasynyń turaqty jáne tıimdi damýyn jáne halyqtyń ómir súrý deńgeıin arttyrýdy maqsat etetin, sondaı-aq qatysýshy memleketter shekaralary arqyly júretin taýarlardyń, qyzmet kórsetýlerdiń, kapıtal men jumys kúshteriniń erkindigin qamtamasyz etý bolyp tabylatyn birtutas ekonomıkalyq keńistik qalyptasýda».
Birtutas ekonomıkalyq keńistik jáne Keden odaǵy jaǵdaıynda bıznes júrgizý máselelerine qatysty R.Ahmetov ony zańnamalyq turǵyda qoldaý máselelerine nazar aýdardy.
«Batys Qazaqstan oblysy Reseı Federasııasynyń 5 oblysymen: Samara, Orynbor, Saratov, Volgograd jáne Astrahan oblystarymen shektesedi. Osyǵan baılanysty kezdesý barysynda Qoǵamdastyqqa qatysýshy elderdiń ózara taýar aınalymyn qamtamasyz etý basty nazarǵa alynýy tıis», dedi senator.
Otyrysta Ekonomıka jáne bıýdjettik josparlaý komıtetiniń ókili Ý.Baıqadamova, «Atameken» Odaǵy» Qazaqstan ulttyq ekonomıkalyq palatasy basqarmasy tóraǵasynyń birinshi orynbasary R.Oshaqbaev, Qarjy mınıstrligi Salyq jáne keden zańnamasyn úılestirý, kiristerdi taldaý jáne boljaý departamentiniń dırektory V.Ámirhanuly, Qarjy mınıstrligi Salyq komıteti basqarmasynyń bastyǵy M.Bulǵynov jáne basqalar sóz sóılep, depýtattar qoıǵan saýaldarǵa jaýap berdi.
Dóńgelek ústeldi qorytyndylaı kelip, R.Ahmetov zańnamalardy odan ári jetildirý jónindegi naqty máseleler boıynsha aıtylǵan usynystarǵa nazar aýdardy.
Kóshpeli otyrys aıasynda depýtattar «Steklo-Servıs» JShS jáne «Ýralskagroremmash» AQ jumystarymen tanysyp, jergilikti kásiporyndarda boldy.
